Ayat-ayat Alkitab Ternama dari Paltiing 14

Bagikan

Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”

Daytoy ti pakasapulan iti panagibtur dagiti tattao ti Dios, dagiti agtulnog kadagiti bilin ti Dios ken dagiti agtalinaed iti pammati ken ni Jesus.

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Simmaruno ti maikatlo nga anghel a nangipukkaw, “Dagiti agdaydayaw iti narungsot nga animal ken iti ladawanna, ken umawat iti marka iti muging wenno imana, inumendanto a mismo ti arak ti napalalo a pungtot ti Dios, ti arak nga imbukbokna nga awan lalaokna iti kopa ti pungtotna! Matutuokdanto iti apuy ken asufre iti sangoanan dagiti nasantoan nga angheles ken ti Kordero. Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”