Ayat-ayat Alkitab Ternama dari Taga-Filipos 2

Bagikan

Dikay agaramid iti aniaman gapu iti kinaagum wenno kinapalangguad. Agpakumbabakayo ketdi iti maysa ken maysa ket diyo ipagarup a naim-imbagkayo ngem dagiti dadduma. Saan la a ti pagimbaganyo ti kitaenyo. Kitaenyo met ti pagimbagan ti tunggal maysa.

Adda koma kadakayo ti kababalin a kas iti kababalin ni Cristo Jesus

Nupay addaan iti galad ti Dios, Dina inkankano ti pannakipadana kenkuana. Siaayat ketdi a nangibaba iti bagina Ket innalana ti kasasaad ti maysa nga adipen. Nagbalin a tao, nagparang iti nataoan a langa. Nagpakumbaba ket nagtulnog agingga ken ni patay, wen, uray iti ipapatayna iti krus.

Kankanayon ngamin nga agtrabaho ti Dios kadakayo tapno pagbalinennakayo a siaayat ken madadaan nga agtungpal iti panggepna.

Gapu iti daytoy, intan-ok ti Dios iti kangatoan a saad, Ket intedna kenkuana ti nagan a natantan-ok ngem ti amin a nagan. Iti kasta, kas pammadayaw iti nagan ni Jesus, Agparintumeng dagiti amin a parsua sadi langit, ditoy daga ken iti uneg ti daga. Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama.

Iti uray ania nga aramidenyo, dikay agtantanabutob wenno agsusuppiat, tapno awan pakababalawanyo ket nadaluskayo, kas awan mulitna nga annak ti Dios nga agnaed iti lubong a napno iti agkakadakes ken managbasol a tattao. Bayat ti panangipaayyo kadakuada iti mensahe a mangted iti biag, agraniagkayo kadakuada a kas silaw tapno addanto panggapuak a mangitangsit kadakayo inton Aldaw a panagsubli ni Cristo. Ta maipakitanto a nasayaat ti nagbanagan ti amin a nagbambannogak.

Isut' gapuna, ingungotek a gagayyem, a no kasano ti kanayon a panagtulnogyo idi addaak kadakayo, ad-adda pay koma ita ta awanak iti dennayo. Agtrabahokayo a sipapasnek ken naan-anay ti panagraem ken panagdayawyo iti Dios agingga nga awan pagkurangan ti pannakaisalakanyo.