Ayat-ayat Alkitab Ternama dari Hebreo 4

Bagikan

Sibibiag ken nasamay ti sao ti Dios. Natadtadem ngem ti uray ania a kampilan nga agsumbangir ti tademna. Kabaelanna a salputen ti pagsabatan ti kararua ken ti espiritu, ti nagsusuopan ti tulang ken pata. Ukomenna dagiti tarigagay ken pampanunot ti tao.

Ditayo koma ngarud bumdeng nga umasideg iti trono ti Dios a pagtaudan ti parabur. Sadiay, magun-odtayto ti panangngaasi ti Dios ket masarakantayo ti parabur a tumulongto kadatayo iti tiempo a kasapulantayo.

Maawatan ti Kangatoan a Padi nga agserserbi kadatayo ti kinakapuytayo. Kas kadatayo, napadas iti amin a kita ti sulisog ngem saan a nagbasol.

Awan ti naparsua a mailinged iti Dios. Sipapanayag amin iti imatangna, ket masapul nga ilawlawagtayo iti Dios ti amin nga inaramidtayo.

Salimetmetantayo ngarud a sititibker ti pammatitayo. Ta addaantayo iti naindaklan a Kangatoan a Padi a limmasat kadagiti langit ken simrek iti ayan ti Dios—ni Jesus nga Anak ti Dios.

Masapul nga ikagumaantayo ti makagteng iti dayta a panaginana tapno awan ti uray maysa kadatayo a mapaay a kas kadakuada gapu iti kaawan ti pammatida.