Ayat-ayat Alkitab Ternama dari 2 Taga-Tesalonica 2

Bagikan

Dikay paallilaw iti siasino man iti uray ania a wagas. Ta dinto dumteng dayta nga Aldaw no di mapasamak ti Yaalsa a maibusor iti Dios ken panagparang ti Managdakdakes a naituding a mapan idiay infierno.

Masapul a kanayon nga agyamankam iti Dios gapu kadakayo, kakabsat, dakayo nga ay-ayaten ti Apo. Ta dakayo ti pinili ti Dios kas umuna a maisalakan babaen iti bileg ti Espiritu a mangpasanto kadakayo ken babaen iti pammatiyo iti kinapudno.

Kontraennanto amin a pagrukbaban dagiti tattao ken amin a bambanag nga ibilangda a nadiosan. Isaadnanto ti bagina iti ngatoenda amin ket sumrekto pay nga agtugaw iti Templo ti Dios, sananto ibaga nga isu ti Dios.

Sapay koma ta ni Apotayo a Jesu-Cristo a mismo ken ti Dios nga Amatayo, a nagayat ken mangted kadatayo iti agnanayon a tured ken nasayaat a namnama babaen iti paraburna, patureden ken papigsaennakayo a kanayon nga agaramid ken agsao iti naimbag.

Daytoy ti gapuna a ti Dios ibaonna ti pannakabalin ti biddut nga agtrabaho kadakuada tapno patienda ti ulbod.

Umayto ti Managdakdakes nga addaan iti pannakabalin ni Satanas. Agaramidto kadagiti amin a kita ti milagro ken kadagiti makaallilaw a pagilasinan ken datdatlag. Aramatennanto ti amin a kita ti dakes a pangallilaw kadagiti mapukaw. Mapukawdanto ta dida inawat ken impatpateg ti kinapudno a makaisalakan koma kadakuada.

Madaman nga agtartrabaho ti Palimed ti Kinadakes, ngem santo la agsardeng inton maikkat ti manglaplapped.