Ayat-ayat Alkitab Ternama dari San Juan 4

Bagikan

Dios naque̱' Be', na' benne' dxulucá'ana szrene̱' Le̱', dxun na ba xen xulucá'ana szrene̱' Le̱' ne̱ chee̱ Be' Lá'azxa, ne ne̱ chee̱ da li.

Wazrín zra, ne ba dxezrín zra na', gate benne' ca' da li dxulucá'ana szrene̱' Xradxu Dios, xelune̱' na ne̱ chee̱ Be' Lá'azxa, ne ne̱ chee̱ da li, lawe' da dxaca lazre' Xradxu Dios xulucá'ana szren bénneache Le̱' caní.

Nu benne' xí'aje̱' nisa da gunézruja' neda', québedxa bílene̱' na, lawe' da nisa na' dxunézruja' neda' galaj na lu xichaj lázrdawe̱' ca tu beaj nisa da gunna na le̱' xel-la' nabán da zeajlí canna.

Nadxa beche̱be Jesús: ―Chela nézenu' da dxunna Dios, ne nua' dxenabe̱' lue' nisa xí'aje̱', lue' nábenu' neda', na' neda' gunna' lue' nisa da gunna na lue' xel-la' nabán.

Jesús guzre̱' le̱': ―Xela wagu chia' naca na chee̱ guna' da dxaca lazre' Xra', Bénnea' nasel-le̱' neda', ne chee̱ gusexuzra' guna' zrin chee̱'.

Na' nu'ula na' guzre̱' Le̱': ―Benne', quebe bi nuxru' cuéaju' nisa, na' beaj nigá nácale̱'e̱ na situj. ¿Ájazra na' gunu' gunnu' neda' nisa chee̱ xel-la' nabán?

Na' nu'ula na' guzre̱' Le̱': ―Neda' nezda' walá' benne' Mesías (da zéaje̱ na Cristo), na' gate la' Le̱', na' guzéajni'ine̱' dxi'u ca naca xúgute̱. Jesús guzre̱' le̱': ―Neda' naca' Bénnea', dxuchálajle̱na' lue'.

―Le da lé'ele tu benne' guzre̱' neda' xúgute̱ da ba be̱na'. ¿Quegá benne' nigá Cristo, Bénnea' sel-la Dios?