Ayat-ayat Alkitab Ternama dari Vakatekivu 32

Bagikan

Sa qai kaya tale na tamata o ya, “Ena sega tale ni vakatokai me yacamu o Jekope, ia sa na vakatokai me yacamu o Isireli;” baleta ni o sa veimulomulo kei na Kalou vata kei ira na tamata, ka sa rawata na qaqa.

A sa kaya vua na tamata o ya, “Mo laivi au me'u lako; sa voleka mai na kida ni mataka.” Sa qai kaya o Jekope, “Au na sega ni laivi iko me yacova ni o sa vosavakalougatataki au.”

A sa qai mai vo taudua ga yani o Jekope. A sa qai lako mai e dua na tamata ka veimulomulo vata kaya me yacova na kida ni mataka.

A sa kaya o Jekope, “Au sa raica na mata ni Kalou, ia ka'u se bula tikoga”; ka sa vakatoka kina na vanua o ya o Jekope me yacana o Penieli.

Ia ni sa raica na tamata o ya ni sa na sega ni qaqa rawa vei Jekope ena veimulomulo, a sa mokuta na dibina, ka mani veisiri kina na kena i sema.

Sa qai taroga na tamata o ya, “O cei na yacamu?” A sa sauma, “O Jekope,”

Sa qai kaya o Jekope, “Yalovinaka, mo kaya mada mai vei au na yacamu.” Ia e sa qai kaya na tamata o ya, “A cava o sa taroga kina na yacaqu?” Sa qai vakalougatataki koya mai kea.

Sa sega ni kilikili kei au na nomuni loloma tawa yalani kei na nomuni yalodina o ni sa vakaraitaka vei au na nomuni tamata. Au sa lako kosova na Joritani ena liga lala ka vakavo duadua ga na noqu i titoko; ia oqo, au sa lesu mai kei na rua na matailawalawa.

O ya na vuna era sega kina ni dau kania na Isireli na ua mai na i sema ni dibi me yacova na siga edaidai, baleta ni a laumoku na ua ni dibi i Jekope.

Sa qai masu o Jekope ka kaya, “Kemuni na Kalou i Epara-ama na tukaqu, na Kalou i Aisake na tamaqu, mo ni rogoci au mada! Oi kemuni ga sa kaya vei au me'u lesu tale ki na noqu vanua vei ira na wekaqu, ka o ni na cakava me vinaka na ka kecega sa yacovi au.

Au sa kerei kemuni kina, mo ni yalololoma ka vakabulai au mai na liga i Iso na tuakaqu. Au sa rerevaki koya, de sa mani lako mai oqo ka mokuti keimami kece, ka okati kina o ira na yalewa kei na luvedra.