Ayat-ayat Alkitab Ternama dari Kenese 15

Bagikan

‘Ua fa‘atuatua fo‘i o ia i le ALI‘I, ‘ona ia ta‘uamiotonuina mai ai lea ‘iā te ia.

‘Ua ‘ava‘e ia mea, ‘ona tulei mai lea o le afioga a le ALI‘I ‘iā Aperamo i le fa‘aaliga ‘ua fa‘apea mai, “Aperamo e, ‘aua ‘e te fefe o a‘u nei o lou talitā, o lou taui e matuā tele lava.”

‘Ua ia ‘aumaia fo‘i o ia i fafo, ma fa‘apea atu, “‘Inā e va‘ava‘ai a‘e ia i le lagi, ma ē faitauina fetū, pe ‘āfai e mafaia ‘ona e faitauina.” ‘Ua ia fa‘apea atu fo‘i ‘iā te ia, “E fa‘apea lava lau fānau.”

Fa‘auta fo‘i, ‘ua tulei mai le afioga a le ALI‘I ‘iā te ia, ‘ua fa‘apea mai, “E lē fai lea tagata mou suli; a o lē e fānaua e oe lava e fai o ia mou suli.”

‘Ona fetalai mai lea o ia ‘iā Aperamo, “‘ia e iloa lelei e Aumau lau fānau i le nu‘u ‘ese, e nofo pologa fo‘i i latou ‘iā te i latou, e fa‘atigāina fo‘i i latou e i latou, o tausaga ia e fa selau.

‘Ona tali atu lea o Aperamo, “Le Ali‘i e, le ATUA, se a se mea ‘e te foa‘i mai ‘iā te a‘u, auā e leai sa‘u fānau, o lē e ona le tofi i lo‘u ‘āiga o Elisara lea le Tamaseko?”

O le aso lava lea na osi ai le feagaiga a le ALI‘I ma Aperamo, na fa‘apea ane, “‘Ua ‘ou foa‘iina mo lau fānau lenei lau‘ele‘ele, e āfua i le vaitafe o Aikupito e o‘o atu i le vaitafe tele, o le vaitafe o Eufirate lea.

A o lona fa o tupulaga latou te toe fo‘i mai ai ‘i‘inei auā ‘ua lē ‘ato‘atoa le agasala a sa Amorī i nei ona po.”