Ayat-ayat Alkitab Ternama dari Lugu 5

Bagikan

Loo gə́ gin ta ləa gaŋg ŋgaji ndá yeḛ ula Simo̰ pana: Ɔs to wɔr gə́ ta ŋguru mán’g ulaje buraje lə sí mán ɔsje ne mán ooje.

Simo̰ tel ilá keneŋ pana: Mbai, jeḛ lé j’ɔs ka̰ji loondul’g ya saar j’ar loo àr dɔ sí’g təsərə, j’wa ka̰ji gə́ rḛdeŋ el, nɛ ɓó lé i nja ulam bèe ndá m’a kula bura mán pá koo ya. Loo gə́ deḛ d’ila bura mán mba̰ ndá ka̰jije rusu bura lə dee njḭ-njḭ ar bura lə dee til.

Nɛ yeḛ ḭ sa rəa ur dɔdilaloo’g aw gə mba ra tamaji lé.

Ma m’ree gə mba ɓar njékaiyaje gə mba kar dee d’wa ndòo rɔ dee dɔ kaiya’g lə dee ɓó gə mba ɓar njémeekarabasurje ɓa el.

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Jeju un ta ula dee pana: Njé gə́ rɔ dee to kari lé deḛ ndiŋga njekuma̰ el nɛ njérɔko̰je ɓa d’a ndiŋga njekuma̰ ya.

Togə́bè loo gə́ deḛ ndɔr toje lé d’unda dee tudu ndá deḛ tal turu raga d’ya̰ néje lə dee bura d’ɔm na̰ gée’g tɔ.

Loo gə́ Jeju sí mee ɓee-boo gə́ kára bèe ndá diŋgam kára gə́ ba̰ji ila bina rəa’g mbə̰gərə-mbə̰gərə aa loo ée ndá rəm oso naŋg bəbərə dəb kəmee naŋg nea̰’g, un ta ulá oso ne ndòo pana: Mbaidɔmbaije, ɓó lé məəi ndigi ndá i askəm kar rɔm ɔr ɓə̰dərə-ɓə̰dərə ya. Jeju ula jia par wa ne rəa peb ulá pana: Ma m’ndigi bèe ya, maji kar ba̰ji ɔr rɔi’g ndɔs-ndɔs. Léegəneeya ba̰ji lé ɔr rəa’g ndɔs-ndɔs ya tɔ.

No̰ néra lə Jeju lé taree oso gə loo mbidi-mbidi ar koso-dəwje bula digi-digi buŋga na̰ bura ree mba koo ta ləa ləm, gə mba kar rɔko̰ lə dee ḭ dɔ dee’g kə̰geŋ ləm tɔ.