Ayat-ayat Alkitab Ternama dari Ex 4

Bagikan

Jak'a ri Jehová xubij chire: Ja yin ri yibanon chire ri wineq chi nich'on, o richin man nich'on ta; richin nak'ex, richin nitzu'un o richin man nitzu'un ta. Wakami k'a kabiyin y yin xkik'oje' awik'in, y yin xtinbij chawe ri k'o chi xtabij, xcha' ri Dios chire.

K'ari' ri Moisés xubij chire ri Jehová: ¡Ajaw! Yin xa man xkitikir ta xtinben ri nawajo' rat, roma yin xa kan wichin wi chi man nel ta ok ri nuch'abel. Xa kan keri' ri rubanon kan y man k'a ta re wakami toq rat achapon-pe ch'owen rik'in re asamajel re', xcha'.

Jari' toq ri Jehová xpe royowal chire ri Moisés y xubij chire: Wakami k'a, ja ri animal Aarón, jari' xtawachibilaj roma rija' kan nitikir nich'on jebel. Tatz'eta' na pe, rija' xtipe richin yatoruk'ulu', y toq xkarutz'et, kan janila xtikikot ránima.