Yin xincha' k'a chikikojol ri winaqi' ri e richin ri tzobaj richin ri Judá, ri achin rubini'an Besalel, ri ruk'ajol ri Urí, rumam kan ri Hur. Y re Besalel re' kan nunojisan k'a rik'in ri nu-Espíritu richin chi k'o na'oj rik'in, etamabel, nojibel y uchuq'a' richin nuben xabachike ruwech samaj. Y nubanon chire richin nitikir nunojij jalajoj ruwech wiqobel rik'in q'anapueq, saqipueq y rik'in q'enq'oj-pueq. Nuya'on nojibel chire richin nuben jebelej taq samaj rik'in jebelej taq abej, richin yeruben jebelej taq samaj rik'in che' y richin chuqa' yeruben xabachike jebelej taq samaj, ri kan nrajo' janila na'oj.