Ayat-ayat Alkitab Ternama dari Ex 2

Bagikan

Y ri Dios kan xrak'axaj k'a ri kijiloj rije', y kan k'o k'a chi yeruto' roma keri' ri jikibel-tzij ri rubanon ojer, kik'in ri Abraham, ri Isaac y ri Jacob. Ri Dios kan xerutzu-pe ri winaqi' israelita y rija' kan xujoyowaj k'a kiwech.

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Y toq ri ak'ual kan nim chik, jari' toq xberuya' kan chire ri rumi'al ri rey, y re xten re' kan ral xuben chire y xubij: Roma pa ruwi' ya' xinwelesaj-wi-pe, roma ri' xtubini'aj Moisés, xcha'.

Y ri rumi'al ri rey xubij chire: Tak'uaj re ak'ual re' y tak'iytisaj-pe chinuwech y yin xkatintoj, xcha'. Ri te'ej xuk'uaj k'a el ri ak'ual y xuk'iytisaj.

Y ri rumi'al ri rey xbe-qa chuchi' ri raqen-ya' ri' richin nibe'atin, e rachibilan-el jun tzobaj xtani' ri e rusamajela'. Y rokik ri xtani' ri' yebiyajilan chuchi' ri ya', jari' toq rija' xutz'et ri jun ti chakech chukojol ri pop ri'. Y jari' xuteq jun chike ri e rusamajela' ri e beneq chirij richin xberuk'ama-pe ri ti chakech.

Y toq q'axineq chik k'iy juna', toq ri Moisés kan achin chik, k'o k'a jun q'ij xbe richin chi xeberutz'eta' ri e ruwinaq israelita, y xutz'et chi kan janila nikitej poqon pa samaj. Xutz'et chuqa' chi jun aj-Egipto janila nuch'ey jun chike ri ruwinaq. Jari' toq rija' kan k'ulan xtzu'un y xutz'et chi man jun nitz'eton-pe, xukamisaj ri aj-Egipto y xumuq kan pa sanayi'.