Ayat-ayat Alkitab Ternama dari Ex 15

Bagikan

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Rat xayuqej rik'in joyowanik ri atinamit ri xakol; kan rik'in k'a ri awuchuq'a' xak'uaj k'a akuchi atk'o-wi rat.

Y toq xe'apon k'a akuchi k'o-wi ya', kan man xetikir ta xkiqum, roma ri ya' ri' xa k'ey-k'ey; roma ri' xkibij Mará*f5* chire ri chiri'. Y ri winaqi' xkichop yexebexot chirij ri Moisés y nikibila' k'a: ¿Achike k'a xtiqaqum wakami?, yecha'. Y jari' toq ri Moisés xuk'utuj to'onik chire ri Jehová y ri Jehová xuk'ut k'a jun che' chuwech, richin chi jari' tuya' chupan ri ya'. Y ri ya' kan chi'anin k'a xutzir. Ri Jehová kan xerutejtobej k'a y chuqa' xuya' jujun chik ruchojmilal chike.