Ayat-ayat Alkitab Ternama dari Mt 21

Bagikan

Nataq'aen yema ga'me jo'ne aviyaĝañiyaque da'me anetamenaĝaqui, qom auep'iiya'a, ami qoyanema.

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Qama'le gaa'me dajota'yelo nataq'aen gaa'me p'atedegue, niyaĝatedapejeguem, enaac: “¡Yataqachiñe 'ñonaĝataĝaye ñe'me c'oĝot di'me jaliaĝanec David! ¡Qo'nonaĝachigui ñe'me jo'ne naequena jo'ne lamaĝajec ñe'me Jaliaĝanec! ¡'Ñonaĝataĝaye ñe'me jo'ne nejaliaĝatelegue di'me p'ajeguem!”

qama'le enapegalo: —Daa'me nedii's jo'ne joote qoyediñe eet'oi: «Jena'me 'yachaqa' qoyenaqatenec qomle 'lachaqa' da'me tamenaĝac», qalaĝaja ami aueñe'tem ta'le laua'j joga'me cachaĝaiquipi.

“A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”

Chane'eja Jesús enaac: —¿Qo'li ja auec'achiñe' daa'me nedii's jo'ne 'laqataqa ñe'me Dios? 'Uo na'me eet'oi: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec. Dojo' ya'uo ñe'me Jaliaĝanec qama'le yataqachiñe qadoqoch'em.»

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.