Ayat-ayat Alkitab Ternama dari Matio 7

Bagikan

<<Si, akiyewɛ; bun, akirɔnɔ; mud, akimenɛ ikpegi ɛtɔ ayewɛ

Ire anebɛ asi kpai akiyebɛŋ, onewɛ ubunɔ dirạk ikirɔn, nɛ anebɛ amudri ikpegi akimenɛ ayebɛŋ.

<<Sạŋ ŋemabarun, one nawunɔ okomɔnɛ chiem yam usạd bobɛ nyɔmɔ, uyạŋanɛ da onewɛ ɔkɔ dukpega ɔbɔu ɛtɔyɛyɛ kɔtan.

<<sạd aye ane da ebuni asạd ayewɛ; kɛ da ntotobɔMoziz inani ee, nɛ anebɛ ayemi chiem Ubasɛ ari chegi.

Asi ikpegi yɛ utogi one iyem ekpenɛ ɔmamanɛ ɔmama ukpekɛ ɔsarakɛ uyoŋɔkɛ kɔchɛŋ, usạd nyɔi anebɛ ayerɛ ɛɛ kɔchɛŋ one ɔyama.

<< Chɛŋdun kɛ iyem wɔŋ ɛsarayɛ utoginɛ one iyem ukutumi kɛ ikpegi don Ubasɛ, ire iyem uwakạn ɔbaranɛ utoginɛ ane ɔraimạŋ kɛ ekon, iyem uwɛ amɛ ane dɛyama abaminɛ kɔchɛŋ.

Urebom da eyinɛrunɔnɛ iya, ɔbaribarun bɔŋ boni nfɔnɔbom kusạd ayerun. de asewoni kerewe uwɛ ɔkana barun uyạŋ bom nawunɔ esisimạŋ dun.

<< Bem bɔŋ bobo ibaŋa kabi, sạŋ ubasɛ ɔwawɛ ibaŋa kubi dirạk. Ire Ubasɛ ikibiwɛ ibaŋa da awu ebibem ibaŋa, akibiwɛ ibaŋa ibeŋi da awu abibem ibaŋa.

<<Asi one nawunɔyɛ ukomɔnɔ chiem yam uyim kusạd, uyạŋanɛ da onewɛ ɔka bom uyed ɔkɔbɔu ɛtɔ kɛ amvun.

Obusạri awu akoni ujiri wɔŋɔwɛ uyạŋ wɔŋ akawo> kajɛn, awu ayina iyɛ kese kạm usegɛwɛkɛ kajɛn? Obu usạri awu atek wɔŋ akawo, <ɔrawɔmạŋ ujiri wɔŋɔwɛ uyạŋmạŋ kajɛn, > uwɛ awu atumkɛ kese kạm kajɛn?

<<Koibarun nɛ anebɛ achiɛginɛ ayemi nfu, iyɛ abɛ are anebɛ Ubasɛ itogɔ ɔyɔmi chiem uyei ane; arɔn da achɛŋi, urema ajɔgɔ ɔnai ube, asi krɛkɔnduri ubɛbɛ, ayạŋanɛ da ɔbia anɔgɔ kulam mkpa akạmabɛŋ. Aki yenɛbɛŋ uwukan da achɛŋ asạri okpo nɛ da achɛŋ anugi dɛmara ubɛbɛ. kạn are ose dawama nfɔnɔ kạn de dawama ayina.

Nfɔnɔ kese uwuminɛ nfɔnɔ dawama, kese iyinɛ uwumi dawama ayiaga.

Nfɔnɔ kese asạd amạŋ dawama ayinɛ ɔwam, kese ayiaga asạd amạŋ dawama nfɔnɔ ɔwam dirạk.

Kese nawunɔyɛ ɔkanɛ dawama nfɔnɔ ɔkɔ aki sogɔmạŋ akara kɛ ekon.