Ayat-ayat Alkitab Ternama dari Matié 24

Bagikan

Ó pusíó ɛ́ɛ́ Pufal ɔ́ɔ́nyíyɔkɔn, iŋɔyɔ í pɛɛnd puóli áányíman; Maná ewú waányípílúndinɛ́ kuám á kuamaná ɔ́ɔ́nyísɔt.

Kinɔ́k kí niɔy kí Pufuŋ pú Támbák ekie pényíkémé kɛ́ɛ e kúúsí kuum; nukál enue núányípáánɛ́ɛ etétúnyí ó pusíó pú pitɔŋ píím; káákáánɛ́ kúúsí áányímanɛɛ́.»

Nukɔɔ́pɔn aná pɛ́tɛɛtɛnɛ́ pitíí ne embííŋunyí ú pitíí. Nutitúmén: púɛ́kɛɛsikɛnɛn kupíɛl, kisikɛl manyi kítiɛsíkɛ́n kí kuman kú kúúsí.

Púkapá ɛ́ɛ́ kitɔŋ nuénesi sɔ́k kitɔŋɛ, pufuŋ sɔ́k pufuŋe; na akááníɛ insaná, na akááníɛ kúúsí píéyen. Makáánɛ́ meem kapá ɛlɛɛ́ kutúm kú kutɛ́ɛ́ kú akáandɔ́ upíénenée.

Mɛnɛ́mɛnɛ́ɛ ne kúúsí áányítápɔk, Mekélíe máámɛ, mɔ mányɛ yá pɔkɔ́.»

Á kiákí ɛ́ɛ́ puólíkóoli ónyóólon nɛ kisiɛ́n kíámɛ é niít, pɔ́núɔ́yɔn ɛ́ɛ́: Niŋúɛ inyɛɛ́ Kilíise waayúúnánɛ́ɛ u Támbák, pétemesi pɛɛnd puólíkóoli.

Akáánɛ́ pɛ́ɛ́nyínúsɛmɛnɛ́ kí insíkíl, pɔ́núɔ́nɔ, pátiányípá páátapan Támbákɛ́ɛ núfɛmɛ ó pusíó pú kisiɛ́n kíámɛ; Puólíkóoli kakuanɛn; epe nyáánɛn mutɔk pɔ́ɔ nɔ pɔ́ɔ, epéné fɛminɛn pɔ́ɔ nɔ pɔ́ɔ. Peémímekélíe má pisupɔ́ áányínúáminan kí imbúlu kí imbúle é kutemi pɛɛnd puólikóoli.

Yésuse kɔ́ɔ́p ɛ́ɛ́: «Énupíkeŋényésí emenyí mɔɔnd nútemi.

Púúpɔ́ panɔ́ kákáánɔ́ nuɛsikɛnɛnɛ́ɛ kupá pɛpíɛ́yɛ́n, á kiákí ɛ́ɛ́ niŋúɛ Muɔ́nɔ́ u mɔɔnd yoónyóól á kikulɛ́ nutiányípá numenyen.»

Nutipítíman kɔk, á kiákí ɛ́ɛ́ nutipá numenyen puɔ́s Ɔkɔ́n waanɔ́ óónyóólone.

«Nɔ puɔ́s na kikulɛ́ maandá makáánɛ́ ɛ́ɛ́nyípíɛ́lɛ mɔɔnd tipá umenyen, tɛ Peéŋele pɛ mɛnɛ́mɛnɛ́ɛ, tɛ Muɔ́nɔ́, tɛ mɔɔnd ɛsiɛ́ Taatɛ́ɛ wééŋényí.

Á kiákí ɛ́ɛ́ pasupúsɔp pé pe Kilíise ne peémí moónyi pá pisupɔ́ áányáátukɛn ɛ́ kuɛlɛ pikaaka pí melinsí ne pisey é kupúmbesi pɛɛnd, kipán kɔ́ɔk, tɛ paayúúnánɛ́ɛ pá Támbák.

Epú púmɛɛ́píɛ́lɛ́ á kisikɛl kí Noé, púú púɛ́nyípíɛ́lɛnɛ́ɛ aká Muɔ́nɔ́ u mɔɔnd óónyóólonée; á kiákí ɛ́ɛ́ é metúk eménée, akáánɛ́ nupɔ́l nuukɔ́n númaányɛ́n kúúsí manyi nútikuá, á maátákáánɛ́ metúk, pɛɛnd mapá pápíyaka póond pápúwáan, pɛnúmɛndɔ́ pítikan pakáandɔ́ kúnyaánɛ pɛɛnd éékenyi paán pɔ́ɔ́p paakáandɔ́ ɔ́ nuɔ́ndɔ́n, kuám puɔ́s Noé meépíkín ó kitóóŋ; Tɛ ɛ́ɛ́ pɛɛnd mémenyí, kuám puɔ́s nupɔ́l nuukɔ́n maákuá, peem pááfɔf. Yá aná púányipáanɛ́ɛ ó kuól kú Muɔ́nɔ́ u mɔɔnd.