1
Matyáasa 7:7
Tuki
tii
«Súsáno, vá né nó hwámó, sɔsɔ́no, no né wɔŋgɔmó, gitáno, vá né nó búnenamó ohótó.
Bandingkan
Telusuri Matyáasa 7:7
2
Matyáasa 7:8
Esené ojo a súsámó vá me hwámó, ojo a sɔsɔmó a wɔ́ŋgɔ́mó, ojo a gitámó ohótó vá me bunenámó.
Telusuri Matyáasa 7:8
3
Matyáasa 7:24
«Moto uŋgimé ojó a vátɔ́rɔ́mó vipeŋge vyámé iví, kó a eŋgámó até eyé ŋgo mo járá, a ámó amo moto wa peyɔ ojó a ma háá yanje yáá na máná ra itááné.
Telusuri Matyáasa 7:24
4
Matyáasa 7:12
Náná wimé ówó no vaŋgámó anáá vato vá eŋgá na wusó wa vinó, vinó hónó ŋgáno na wusó wááwó, wó ámó até éyé va kárate vá mbéndɔ́ ra Mósese na vahúmíye maró vá ma járá.»
Telusuri Matyáasa 7:12
5
Matyáasa 7:14
Wó je rií anáá ohótó rá esɔ́tɔ́ eyé kɔ́rɔ́tɔ́tɔ́ ó ámó cókókó, pé éjé yo endámó na esɔ́tɔ́ éyé kɔ́rɔ́tɔ́tɔ́ e yákánamó kó ombunu rá vato ó ta tómbéná ɔ́wɔ́.»
Telusuri Matyáasa 7:14
6
Matyáasa 7:13
«Iŋgáánáno na ohótó ójó cókókó. Ohótó ójó wáŋgámó ó wúnde orií ndam ndam o ámó pé ra nugwé, emwané eje ombunu rá vato ó byɔɔnɔmó.
Telusuri Matyáasa 7:13
7
Matyáasa 7:11
Wó a ríi sɔ́ɔ́ anáá vinó ává no béyáanámó etémá no ijímámó weréenana vaná va vinó vesi vá motéé, eŋgendɔ enií Tetáŋgá wa vinó ojó na máná! A né eréenámó vesi vá motéé na ava vá me súsámó.
Telusuri Matyáasa 7:11
8
Matyáasa 7:1-2
No ta eŋgá no jósyé vasɔ́ɔ́, ukú ójó anáá Irɔŋgɔ a rií ka nó jósyé vinó hónó. Esené njósyéná éjé no jósyámó vasɔ́ɔ́ kéje Irɔŋgɔ hónó a né nó jósyámó, kó méta éjé no heyanámó vasɔ́ɔ́ na ejé kéje Irɔŋgɔ a né nó héyámó vinó hónó na ejé.
Telusuri Matyáasa 7:1-2
9
Matyáasa 7:26
Wó je rií anáá moto ojó a hweérámó vipeŋge vyáme iví, ka eŋga até eyé ŋgo mo járá, a ámó amo moto ojó ka na peyɔ a ma háá yanje yáá na máná ra ncéce.
Telusuri Matyáasa 7:26
10
Matyáasa 7:3-4
Na wusó wá até kówo wo enámó ekáne éyé na nisó na nɔvéne? Mɔmó ka ena ekáná yá pumbú rá ugini éjé emó na nisó nɔɔ́? Twiní kówo mámó o timbámó pumbú ra ugíní na nisó, kó mámó wo eŋgámó na nɔvéne anáá: Gíré ŋgo wo uryé ekáné éyé na nisó?
Telusuri Matyáasa 7:3-4
11
Matyáasa 7:15-16
«Vinó okéríkye na vambé vá vahúmíye maró, vato mwané vá né urámó amó vitómbá ndeke vá ámó mumgbémé úmú njeŋge. Wó ámó na ŋgeŋgéná mamba rawó kówo no né wó ijímamó. Ye o ámó opátá vibómá vyá njáŋgá na tíné ra etóná? Itɔɔ ndɔ́ɔ́ na tíné ra wuúmé.
Telusuri Matyáasa 7:15-16
12
Matyáasa 7:17
Náná wó ámó anáá werété owó wusi wo eréénámó honó vesi wa vibomá, weréte ówó enɔ́ hónó vibomá íví na mɔnɔ́.
Telusuri Matyáasa 7:17
13
Matyáasa 7:18
Mpaŋá ra werété e ta hítí weréena vambé wa vibomá, itɔɔ hónó werété ówó enɔ́ weréena vesi vá vibomá.
Telusuri Matyáasa 7:18
14
Matyáasa 7:19
Werété wimé ówó wó ta umé vesi vá vibomá, vá sómbámó onɔ naáté yá ihyáné.
Telusuri Matyáasa 7:19