Ayat-ayat Alkitab Ternama dari Matyáasa 24

Bagikan

Wobé wó né gónámó kó wó né mandéenámó andiŋgé rá ombunu rá vato. Wó je rií anáá ojo a né menevámó ondo húmé na mamana, Irɔŋgɔ a né me sótyámó.

Usi wa Cómó wa Edɔŋgɔ éyé na máná omójo a né ojavenámó na cí iŋgime, ombótá ojó anáá mayɔŋɔ mimé má ová, kaá na nímé raá kówo mamana má cí má né urámó.»

No né ovámó vá járá anáá vitá ví ámó na vidɔŋgɔ vimó kó hée anáá vitá ví urámó, vinó o kéríkye! Vinó ka tíné esene éyé wó géremenámó anáá mamba mwané má jíne, wójerií anáá wó ta mó rií mamana má cí káamáma.

Edɔŋgɔ emó é né nywaanámó na eye emó, kó noyɔŋɔ nomó nó né núbaanámó na noyɔŋɔ enomó, njeŋge e né riyámó na pandó mbunu, kó cí e né veéryámó na pandó na pandó. Mamba amáma mimé má né riyámó makésyé wa nkonkore.

Máná na cí mo ne tómbámó, wó je rií anáá epeŋge ye amé é te me tómbá.»

Esené vato mbunu vá mó urámó na niyó namé kó vá mó járámó anáá: Noó kójo Irɔŋgɔ a ma ijátá! Kó vá mó déŋgyámó vato mbunu pé.

Kaá vá né nó kávámó anáá vá nó tuúriye kó vá né nó onámó, mayɔŋɔ mimé má né nó bénámó na wusó wá ebérááná yámé. Ɔ́wɔ́ ombunu rá vato ó né céŋgítyámó ŋgɔ́téééna kó vá né vákávaanámó vámwané na vámwané owunde ovábénaana vámwané na vámwané. Ombunu rá vambé vá vahúmíye maró vá né uránámó onde jeénye ombunu rá vato.

Yésusu a ma wó wúndíyé anáá: «Kéríkyáno anáá moto ka nó déŋgyé pé.

Na wusó mwané kówo vinó hónó no geremenámó ováheéhenda esene éyé no ta ijímé itíndíkáná íjí Mwaná moto a né urámó.»

Kúráno sɔ́, esene éyé no ta jembé isí éyé Okí wa vinó a mó urámó.

Yésusu a ma járá hée anáá: «Isí mwané na itíndíkáná mwané, moto a ta ijímé, tɔɔ va éŋgerese ává na máná, tɔɔ Mwaná, ka na moto, bɛ́ŋ Tetáŋgá móka kójo a ijímámó.

Esené vato vá mó urámó vá tɔ́ŋɔ́ anáá Irɔŋgɔ a ma wó ijátá ndeke viváná kó hónó vahúmíye maró vá viváná vá mó urámó kó vá mó eŋgámó mamba má okémbyé na masimbá ukú ójó anáá vá déŋgyé vato pé. Wá ríi wandá mwané wó ámó weŋgavena, vá mó hítyámó honó odéŋgyé tɔɔ ava Irɔŋgɔ a ma ijátá.

Wanda ówó wó ma tómbávéná na itíndíkáná rá Nówe wó mó éŋgavenámó hónó isí éyé Mwaná moto a mó endámó etá, esene éyé na itíndíkáná mwané, hɔrɔ́ ekáné yá nowórá ná endééré nó árɔ́wɔ́ ka sowa, vato vá katé nyá, vá wényú, vá baána kó vá eréénana ŋgwande rawó na tobá hwɔs isí éyé Nowé a ma iŋgááná naáté yá ekáné yá ŋgɔmbe. Vá katé rií ka bísí na wandá, hwɔs ámó nowórá ná endééré nó ma uré o wó oná bimé. Náná honó kówo wuré wá Mwaná moto wó mó riyámó.