Ayat-ayat Alkitab Ternama dari मती 21

Bagikan

अर जे कई थै पराथना में विसवास ऊं मांगोला तो वो सैंग थांनै मिळैला।”

यीसु उणौनै जबाब दियौ, “म्हैं थौरे ऊं साचौ कहूं, जे थै विसवास राखौ अर वैम मत करौ, तो थै नीं कैवल ओ करौला जे म्हैं अंजीर रै दरखत रौ करयौ है, बल्कि इण भाखर नै भी केवोला, ‘उखड़ जा, अर समंदर में जा पड़’, तो वो हो जावैला।

जिकौ लोग यीसु रै आगै चाल रिया हा अर जे लोग उणरै लारै चाल रिया हा सगळा लोग ओ नारो लगा रिया हा, “दाऊद री औळाद रौ होसना, धन्य है वो जिकौ परभु रै नाम ऊं आवै है! सरग में परमेसर रौ होसना।”

अर यीसु कयौ, “लिख्यौ है, ‘म्हारौ घर पराथना रौ घर कैलावैला’ पण थै उणनै डाकूओ रौ अडो बणा दियौ।”

“सिय्योन री बेटी नै कैवौ, ‘देख, थांरौ राजा थांरै खनै आवै है। वो भला है, अर गधे ऊपर बैठौ है, अर वो गधी रै बचिये ऊपर है।’ ”

यीसु उणौनै कयौ, “कांई थै कदैई पवितर सास्तर में औ कोनीं पढ़ियो। ‘जीण भाठै नै कारीगरो निकमो ठैरायौ हो, वोहीज खूंणै रौ भाठौ बण गियौ। औ परभु री तरफ ऊं होयौ, अर म्हांरी निजर में अदभुत है’?

“इण वास्तै म्हैं थौरे ऊं कहूं की परमेसर रौ राज थौरे ऊं ले लियौ जावैला अर ऐड़ै देसो नै जिकौ उणरौ फळ लावै उणौनै दियौ जावैला।