Ayat-ayat Alkitab Ternama dari Жаратылыу 35

Bagikan

Дагъыда Аллах анга былай айтханды: – Мен Къудуретли Аллахма! Жайыл эмда кёп болуп бар! Сенден миллет, кёп миллетле окъуна боллукъдула, сенден патчахла да жаратыллыкъдыла. Мен Ибрахимге бла Исхакъгъа берген жерни санга берликме, сенден сора боллукъ туудукъларынга да берликме.

Биз Бейт-Элге барабыз. Къыйынлыкъ кюнюмде тилегими къабыл этген эм къайры баргъан эсем да мени бла болгъан Аллахха анда къурман этилиучю жер къурарыкъма.

Аллах анга: – Сени атынг Якъупду, алай а бюгюнден арысында сен Якъуп атлы боллукъ тюйюлсе, атынг «Исраил» боллукъду, – дегенди. Аны бла Аллах Якъупха Исраил атны атагъанды.

Якъуп юйюрюне да, биргесине болгъан адамлагъа да былай айтханды: – Сизде болгъан мажюсю тейрилени атыгъыз, тазаланып, кийимлеригизни алышындырыгъыз.

Аллах Якъупха былай айтханды: – Мындан кетип, Бейт-Элге бар да, анда жерлеш. Сен къарындашынг Эсауну аллындан къачып баргъан заманда, санга кёрюннген Аллахха анда къурман этилиучю жер къура.

Рахел а ёле тура эди. Жан бере тургъан заманында, уланына Бенони атагъанды. Атасы уа анга Бенямин атагъанды.