Ayat-ayat Alkitab Ternama dari Мисирден чыгъыу 17

Bagikan

Мусса къолларын ёрге кётюрюп тургъан заманда, Исраил хорлай эди. Ол къолларын энишге ийген заманда уа, Амалек хорлай эди. Муссаны къоллары уа талгъан эдиле. Сора бир таш алып, аны тюбюне салгъандыла, ол да аны юсюне олтургъанды. Харун бла Хур а аны къолларын, экиси эки жанындан кётюрюп тургъандыла. Аны бла аны къоллары кюн батхынчынга дери ёрге кётюрюлгенлей тургъандыла.

Ма, Мен сени аллынгда анда Хореб тауда къая башында турурма. Сен къаяны урурса, сора аны ичинден халкъгъа ичер суу чыгъып башлар, – деди. Мусса, Исраилни тукъум таматалары да кёре тургъанлай, алай этгенди. Ол жерге ол Масса эм Мериба деп атагъанды, нек дегенде, Исраил улулары анда тырман этген эдиле эмда: «Раббий арабыздамыды, огъесе тюйюлмюдю?» – деп, Раббийни сынагъан эдиле.