Ayat-ayat Alkitab Ternama dari JOHAN 6

Bagikan

Zingsuv ta, “Kama ca hringna viechuo tana i cuo. Kama'a luo a vawpa ca ahunghmuota a nang diy buo li'a pata kama naa zangpa ca ahunghmuota a tiy hrie buo'a va tli.

Hringna malie a pipa ca Thlaapa tana a cuo; saapa hing ca khaapahmuo thlahne vyi. Niema'a lie i ripa bie hing thlaapa hne hringna bie ta a cuo.

A ra thepa sa cuota re hrie khah ung; cuorasala Cawsaa Sacapaa ta aca pi riypa yi chuozaa ta aa hmangpa hringna sa cuota re kha hrie tie ung. Tahematapakieca Paa Khazing ta ama cunglie kha palungtlingna caakhe a khe tli,” a ta.

I Paa khingna hmisi ca Sacapaa kha hmung te a zangpa bangkhuo ta chuozaa hringna ama hmung riypa hing tana a cuo; cakhutaata kama ta ningchuona ning lie khiy hringna luo i pathu'a yi,” a ta.

Zingsuv ta, “Khazing khingpa re ca ama ta a pathliepa paa zang kha tana a cuo,” a ta yi.

I Paa ta ina pipa bangkhuo ca kama'a luo a vaw'a yi te, kama'a luo a vawpa bangkhuo ca pakaa'a va yi ang

Simon Piter ta, “Abyipa, ahung'a luo ma ma cakuo aa? Chuozaa hringna bie a hnyipa ca nama tana na cuo.

Vuoruo taata zaa cungpa hringna viechuo ca kama hing tana i cuo. Hingpa viechuo a ningpa mekaa ca chuozaa ta ama hring aa; chuelyi hringna ama hmung riypata i pi riypa yi viechuo ca i saa hing tana a cuo,” a ta yi.

Naa pathlietuv i Paa na kama'a luo a vya chiy yi ta li pata ca ahunghmuota kama'a luo a vaw khu'a va yi; cahaacata kama'a luo a vawpa ca ningchuona ning lie khiy hringna luo i pathu'a yi,” a ta.

Tahematapakieca Khazing pipa viechuo ca vuoruo taata zaa cungpa hing cuo te chuelyi kha hringna a pi,” a ta yi.

Kama ca hringna viechuo tana i cuo.

Zingsuv ta viechuo kha la te, palungtluona bie a hluo khutaata, capa lie a tupa tie kha a re yi. Cahaacata ngaa zaw kha tue te cawsaa bangkhuo ta ama riy bisa pata ama ning. Ama ning khutaata ziytuv tie kha, “Aa ngaapa a zungpepa kha pakhaw tie ung, a cawta hmuo a vievuv li riypata,” a ta yi.

Sawkawpalaw ca me thung me paliy tluv ama va mawpa khata Zingsuv ca riyliy cunglie kha vya cakuo te sawkawpalaw luo aa vya ngiepa yi kha ama hmung ca ama thlaa a zangsa. Cuorasala Zingsuv ta, “Ciy khah ung, kama tana i cuo,” a ta yi.