Ayat-ayat Alkitab Ternama dari Тархъанлъи 4

Bagikan

БЕТӀЕРГЬАНАС абуна: «Инсанасе кӀал-мацӀ лъица кьураб? лъица гьарулел мацӀ лъалареллъун, яги гӀинкъаллъун, яги канлъи бихьулеллъун, яги беццаллъун? Дица, БЕТӀЕРГЬАНАС, гуребдай? Гьанже мун а; Дица кумек гьабила дуе кӀалъазе, ва дица малъила дуда дуца абизе кколеб жо».

Цинги Мусаца БЕТӀЕРГЬАНАСДА абуна: «Огь, БетӀергьан! Кидаго вукӀинчӀо дун кӀалъазе бажари бугев чилъун. ГьабсагӀатги, Дур лагъгун Мун кӀалъалелъулги, гьединавго вуго дун. ЗахӀматго гурони дихъа кӀалъан бажаруларо, бакӀаб кӀал-мацӀалъул чи вуго дун».

Гьебмехалда БЕТӀЕРГЬАНАСУЛ ццин бахъана Мусада, ва Гьес абуна: «Дур вац гуревищ вугев Гьарунин абурав левийилазул чи? Дида лъала гьесул кӀалъазе махщел букӀин. Дуда дандчӀвазе къватӀиве вахъун вуго гьев ва мун вихьидал, гьев вохизе вуго.