Ayat-ayat Alkitab Ternama dari Jone 2

Bagikan

Alepi sa na roiti vinagigila momoe sa roitinia i Jisu pa Kena pa Qalili, ko ketakoi sa vatadogoronia isa sa na ona neqi, ko ira na ona sepele qai vasosotoa sisa.

Poni sa paranga si Jisu, <<Ko na savana taqu beto tamu sa vei ina, tinaqu? Ara ba na qua totoso sa oqoro kamua,>> sau.

Ko sa paranga laoria i Jisu sira na nabulu, <<Mu vapugeleniria na pie gagale sa na bogu jagi inara,>> sau. Poni qai vapugele jutuniria na pie tugu ira sira na bogu ira. Beto sa garunuria i Jisu sira, <<Ego kopira mu tinu ko mu pogoso laonia tana tinoni sa kopunia na vavolo,>> sau. Poni qai pogoso laonia tugu sisa vei sa pojaniria i Jisu.

Poni sa oeria i Jisu sira, pira sauniria, <<Mu jegaria sa na zelepade madina api, beto sa na rane vinaue kode mana vaturu ligua ara sapi,>> sauniria.

Poni sa roitinia isa kai gasoro vavaiiriruna, ko sa adu vovotuniria pa kakabarena zelepade sa doru manugu, na sipi, na bulumakau. Beto sa upele vavukele enga paleria sira na tevolo tadira qai bebei poata, ko sa ipaporoniria doru eqa sa na dia poata. Beto pira sauniria sira qai vavainiria na kuru, <<Mu pogoso votu riuniria pa ia lani sira na sakasa pira! Muke roiti veinia na ruma mamaketina sa na ruma tana Tamaqu!>> sauniria.