Ayat-ayat Alkitab Ternama dari 1Akabambu Akolongu 19

Bagikan

Esapeta kililima wahika mwotu kabee. Lakini Bambu Sapanga ngase jwabii mu mwotu hogu. Ewapeta mwotu hogu, ndi kahika kasauti kasoku kukubole.

Najombi jajenda kwa sapwali ji lisoba limu kujingi kulungwenza. Ndienu jwahika, nukutama pu nkongu gumu, gobugukema nletemu. Hapa ndi jaloba kubanga jukuwa, koni jupwaga, “Kutosike! Nganhwesi kabeti. Mwaa Bambu Sapanga, nuguloba sajenu ugubowa womi wangu. Nepani nganamboni kupeta akahoku bangu.”

Bambu Sapanga ampwagila, “Pita kunza wakajema panani ji kitombi palongi jangu Bambu Sapanga.” Ndienu hapa kimbonga kikolongu sahika nukukajulana itombi palongi jaka Bambu Sapanga. Lakini Bambu Sapanga ngase jabii mu kimbonga hesi. Pasapeta kimbonga hesi, sahika kililima, lakini Bambu Sapanga ngase jwabii mu kililima hesi.

Ndienu, Eliya pajwajowana sauti jukubole heji, jwilihekalia pa mihu jaki kwi ingobu jaki, jwapita nukujema kunza ji likolu. Hapa ndi jijijowania sauti jakapwaga, “Eliya! Guhenga kii paniapa?”

Hoku, jahika pandu palabi likolu jatama homu. Ndi lilobi laka Bambu Sapanga lunhikila kupwaga, “Eliya guhenga kii pambane?”

Eliya jajumuka, jakula na kunywa. Ndienu jajenda kwa makili ga posu heji sapwali ja masoba alubaini, muwi ni ikilu, mbaka ku Holebu yani Sinai, kitombi saka Bambu Sapanga.

Ndienu, Eliya jagonila pai ju nkongu hogu, lunkamula lugonu. Kipindi aselase ntumisi waka Sapanga jukunani, jatenda kungusa nu kumpwagi, “Jumuka gukula.”

Ntumisi waka Sapanga jukunani anhikila kabee mala ja pili, angusa nukumpwagi, “Jumuka gukula anangahela sapwali jaku jitenda kunonopa ngani.”

Najombi japwaaga, “Moniki wipu, mwaa Bambu Sapanga, Sapanga jwa akomana ngondu. Aizilaeli bilikaniki lilaganu laku, bapabombulini mesa yaka yukupiiki matambiku na kwaakoma alota baku ku upanga. Ndi nepani pe nenhigali, nakabee andaputa ili angoma!”

Eliya ejajumuka jalinga koni na koni, pambipi ni kimutu saki kwabii ni libumunda leajosiki kwa makalakala, na supa sa masi pambipi ni kimutu saki. Ndienu jakula, nakunywa, jwagonila kabee.

Ndienu, Yezebeli antuma mundu kuka Eliya ampwagila ana, “Nugulapi ana, kilabu kipindi ngati senze nibiya nugukomiki ngati wehapa ewaakoma alota haba, ana ngasenhengiki hela isapanga ingomila kutali.”

Hata sajenu mii na bandu elupu saba mu nndema uku Izilaeli, boti babube ngasebunndumbali kisapanga Baali, na boti babube ngasebikihenge isima kimong'umong'u hesi.”

Eliya jaboka nu kunkole Elisha, mwana waka Shafati jutenda kulema. Jabiya julema kwa ng'ombi pea komi ni ibeli yeyabiya itenda kulema, na pea ja ng'ombi yaka Elisha jabiya munyuma ngani. Ndienu Eliya jwahula kanzu jaki nukunhwatika Elisha.

Ndienu, Elisha anndeka Eliya, nukuikelabu ng'ombi yaki, jwiisinza ng'ombi heyi nukuiteleka sukutumi hanzu yi ingolingoli, jaapekia bandu, batenda kula najombi jatenda kuboka, nukumpwata Eliya kojabiya ntumisi waki.

Ndipala, Elisha jwiileka ng'ombi yaki, ampwata Eliya imbelu nukumpwagi, “Guneka hoti nyenda nakaatabuka atati bangu na amabangu.” Eliya anzibua, “Gujendaje! Ndaba ngase nugukanike.”