Ayat-ayat Alkitab Ternama dari MATHE 5

Bagikan

Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang. Houg: su" wigi subi" gi nanu" da" ge moozoo" ri yo" myang lang" gi Mougkhung: tho' moo nyid da" nanu" da" nya: phoo ri yo" coung" nghei byid: goo" baja"- nyangnu" da" shid khoin" moo nanu" da" bidbang ri thoin" pang too" byid: ge" o".

«Nanu" gi mougmyid bidbang yo' du ago"- boem tho' moo tam: to" da" voogung ri ce: zewe' ayo" go too.

«Nheugloem: yung" mo, gi ngilho' boem wa. Khasu" wim gari nyanu" nyang: gi Mangsoo ri shau" myang boem wa.

«Mangsoo vho: da" khyoo: ri vho: ngei nyid mo, gi ngilho' boem wa. Khasu" wim gari nyanu" nyang: vho: da" khyoo: ri we' Mangsoo wigi jhoeb pyeing byid: wa zi nghoid.

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

«Shangei shapyoo: si' mo, gi ngilho' boem wa. Khasu" wim gari nyanu" nyang: ri Mangso da" nya: zoo: ga: myheing: byid: boem wa.

«Koug shu: shau" mo, gi ngilho' boem wa Khasu" wim gari Mangsoo nyanu" nyang: ri nheig teing byid: zi shau" boem wa.

«Mangso da" deung main" khyoo: cang yoomo pyi: sho: dam kaid zi shau" nyid mo, gi ngilho' boem wa. khasu" wim gari Mougkhung: mungdain: ri nyanu" nyang: shau" seing: boem wa.

«Subi" ri nheing se' khyeig mo, gi ngilho' boem wa. Khasu" wim gari nyanu" nyang: ri Mangsoo nheig khyeig zi doem shau" boem wa.

«Nga" da" khyoo: yoomo subi" nanu" ri juang" yi lho: yooboo aja: ja: foin: to" uri nanu" gi ngilho' bye. Nanu" da" shid mo Lapi: yi ri we' nyangnu" houg: su" shen" yhen boem ziyo' mhau' fain" khyo" cang lho: xang: shid" mo lapi: yi ri we' houg: yo" dakhyoo" ti" pyi: sho: boem bye. Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

«Nheugloem: nu" nham' mo, gi ngilho' boem wa. Khasu" wim gari nyanu" nyang: gi Mangso dang: theing to" da" mainkaid jeju" yo" yu boem wa zi nghoid.

«Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.

«‹Myo, dajid" moo dajid"- zei dakhaid moo dakhaid- doem tau" byid: ca"› ga: da" dang: ri nanu" shau" gyo: yu" boem bye. Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we'

Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid. Re" da" lo, yo lo, nang ri shoid' nhang: nghoid rigi hau: lo, ri jab khyo' pyam' we' gung goin" ngarai mung" moo gyoo" loo" wa tho' moo re" gung daja: te: yoin" wa zi gi je ge nyid.