Сӧрымаш Юмын порылыкшылан кӧра лийже манын, тудо айдемын ӱшанымашешыже негызлалтеш. Тыгеже сӧрымаш Авраамын уло тукымжылан пеҥгыде лиеш: законлан эҥертыше-влаклан веле огыл‚ но Авраамын ӱшанымашыжлан эҥертыше-влакланат. Возымо семын Авраам чылаланна ача: «Мый тыйым шуко калыкын ачажым ыштенам». Авраам Юмылан ӱшанен да Тудын ончылно мыланна ача лийын, а Юмо колышо-влаклан илышым пуа‚ лийдымым лиймашке ӱжеш.