Ayat-ayat Alkitab Ternama dari Лк 3

Bagikan

Уло калык тынеш пурымо годым Иисусат тынеш пурен, а кунам Тудо кумалын, пылпомыш почылтын. Кӧгӧрченла койшо кап дене Тудын ӱмбаке Святой Шӱлыш волен. Пылпомыш гыч йӱк шоктен: «Тый Мыйын йӧратыме Эргым улат, Мыйын поро кумылем Тый денет!»

Но Иоанн чылан ончылно каласен: «Мый тендам вӱд дене тынеш пуртем, но Весе толеш, Тудо мый дечем Виянрак. Мый Тудын йолчием кылжымат рудаш ом йӧрӧ. Тудо тендам Святой Шӱлыш да тул дене тынеш пурта.

Языкым касарыктен, Юмо деке савырнымыланда келшен толшо саскам шочыктыза да ”Мемнан ачана – Авраам” манын, кӧргыштыда шонаш ида тӱҥал. Тыланда ойлем: Юмо теве нине кӱ-влак гычат Авраамлан икшыве-влакым ыштен кертеш.

Ынде пушеҥге вож воктене товарат ямде кия: сай саскам пуыдымо чыла пушеҥгым руат да тулыш шуат».

Исаия пророкын шомакшым возыман книгаште кузе каласыме, туге лийын: «Ир мландыште кычкырышын йӱкшӧ шокта: Господьлан корным ямдылыза, Тудлан йолгорным вияшым ыштыза! Чыла корем темалтше, а чоҥга ден курык иземышт, корно савыртыш-влак вийнышт, лакылан корно-влак тӧр лийышт – Юмын утарымашыжым чыла илыше ужеш».