Ayat-ayat Alkitab Ternama dari 1 Ин 2

Bagikan

Тӱням ида йӧрате, мо тӱняште уло, тудымат ида йӧрате. Кӧ тӱням йӧрата гын, тудын чоныштыжо Ачан йӧратымашыже уке. Чыла, мо тӱняште уло: кап ден чонын сутланымыже, шинчан сутланымыже да илышысе кугешнымаш – Ача деч огыл, а тиде тӱня деч.

Тӱнят, тӱнясе сутланымашат йомыт, а Юмын эрыкшым шуктышо курым-курымеш кодеш.

Кӧ Тудын дене ушнен шогем манын ойла, тудо шкежат Христос илыме семынак илышаш.

Икшывем-влак, те языкым ида ыште манын, тидым тыланда возем. А иктаж-кӧ языкым ышта гын, Ача ончылно арален ойлышына уло: чын ыштыше Иисус Христос.

Мый Тудым палем манын, кӧ ойла да кӱштымыжым ок шукто, тудо – шояче, тудын чоныштыжо чын уке.

А Юмым пален налмынам ме теве кушеч ужына: Тудын кӱштымыжым шуктена гын, Тудым палена.

Кӧ волгыдышто улам манын ойла, а иза-шольыжым ужмыжо ок шу, тудо але марте пычкемышыште

Кӧ шояче? Иисусым «Христос огыл» манше огыл мо? Тудо – антихрист, Ачамат, Эргымат йӧрдымыш луктын ойлышо.

Кӧ Эргым йӧрдымыш луктын ойла, тудын Ачажат уке, а кӧ Эргылан ӱшанымыжым почын ойла, тудын Ачажат уло.