Ayat-ayat Alkitab Ternama dari Dioni 3

Bagikan

Go eina lawae. Godeme su wenaali raayo para kone waru siala ara nipuna Naki komea gole gisaya. Gupuma ali apimi nipuna Naki para kone rulaoma aliandare gore go alimi na-kome endoaya ei milia.

Godemere nipuna Naki komea su wenaalina angele yokanali pala pea ali komea ainyaya na-rapaya. Nimi ma-endala pea ali ainyaya raparipa, lisaya.

Yesumi nipuna angele yango liada ara lalore, Neme nee para ora angele lalo loma lalore, Ali apimi wala pena nakisi mandana na-aliandare gore Godeme nipuna Ki Rambuao-aya Ei na-andelea, lisaya.

Ali apimi Godena Naki para kone rulao-aliandare angele yokanali puaeme ei para na-pelea. Gupula peapare ali menda apimi kone na-rulae aliandare ande angele yokanali puaeme dinare Gode nipuna Naki komea para kone na-rulao-aya eina Godeme nipu para ambala angele yokanali pea, lisaya.

Mo angele yokanali puaeme eiri gurupae. Go suna paa pi eiri ambala epeapare wenaalimiri nimuna koae aunu puaeme eimi ande paa pi eiri giaoma mo rimbale para aluameya kone sialeme, lisaya.

Go einare Yesu nipuna bi waru andayala ainyare nina biri ongesi siainyala papeya, lisaya.

Koae au puaeme wenaalimiri mo paa pi eimi nimuna koae aunu penameyao walapeyare ora giada ara mo paa pi ei para na-ipuaeme, lisaya.

Ali apimi ande Godena Naki para kone rulao-aliandare go alimi endoma ala peapare ali menda apimi ande Yesuna angele na-pangeleandare endoaya ei na-mi, pa ainya. Gode nipuna rono pange ei go ali para sualia, lisaya.

Ambaisenande ara Mosesimi mo weambi pia lena ara mo barasi lee aionimi wari kero ma-minyasiao wisaya rupa ande Alina Si Naki ma-minyasialimi, lisaya.

Apa Godeme nipuna Naki para nipuna pumi raname komala ara alenda alenda raayo nipuna Naki Yesuna ki para winya, lea.