Ayat-ayat Alkitab Ternama dari Mattayo 7

Bagikan

Muluwaye, ni yakipelewe kwa mwenga; mulondaye‐londaye, na yamukolele; mukingaye, na yakudindulike kwinu

pakuya ayi yoha uyu aluwa ayupa; na wakulondalonda akolela; na kwa wakukinga yakudindulike.

Mumu ayi yoha nayombe ayufwanila malowe gangu aga, na agakita, yahwanangane nu mundu wa luhala, nayombe akajengiti nyumba yake pa liganga

Mumu fyoha fila mulonda kukita wawakitile wandu, fifi na mwenga namu muwakitile: pakukita iki kiyii torah na wakulweta.

Pakuya ndyango nfinyi, ni ndila yakufinyika, yakutolela kwa kulama, na wala wakuyikolela wakuwalangika.

Muyingilaye pa ndyango nfinyi: pakuya ndyango uyii nkulungu, ni ndila yiyii ya kitando, yakupeleka kwa kuyanangika, na wingi wayii wala wayingila pa yila.

Mumu wona mwenga, pakuya wawifu, mumanya kuwapela wana winu finofu fya waka, si kulutila Dadi winu uyu ayii kunani yawapele awa wanduwa finofu?

Mukotoke kupela mhalo, nausi musipelewa mhalo. Pakuya mhalo wula muwapela, wuwu yamupelewe: nu ndingo wula mulinga nawo, wuwu yawalingile namu.

Na ayi yoha uyu ayufwanila malowe gangu aga, ni agakita lepa, yahwanangane nu ngosi mhimu, yula akajengiti nyumba yake pa mhanga

Leka ulola wuli lusuki luyii mu liho lya ndongowo, koma uholalela lepa kabihi kayili mu liho lyako wamwene? Pangi yaunjowele wuli ndongowo, Niwuse lusuki mu liho lyako; na lola, kabihi kayii mu liho lyako wamwene?

Mwigohe wicho kwa wakulweta wa mageya, wala wawachila kwinu pa fyakufyata fya mambelele, koma mugati wayii filugu fyakunyaka. Yamuwawalalile pa fipambiko fyawe. Wandu wayawa mbelesa pa mifwa ati, pangi makuyu pa nkwanga ati?

Wiwi nkongo uyi woha unofu upambika fipambiko finofu; koma nkongo wa waka upambika fipambiko fiwifu.

Nkongo unofu uhotola lepa kupambika fipambiko fiwifu, haka nkongo wa waka uhotola lepa kupambika fipambiko finofu.

Nkongo uyi woha wakupambika lepa fipambiko finofu udumulika, ni kutagika pa mwoto.