Ayat-ayat Alkitab Ternama dari Nwoŋim 34

Bagikan

BAŋA Wɛ ma tɔge Moses yiga ne o kɛ ye o we: “Amo mo ye BAŋA Wɛ wom, TAA WUU TU BAŋA Wɛ! A jege nɔɔna ŋwaŋa, ye a ke zaane a ke ba yuu ne. A maa yeini a peene a bane de-ba. A swono kom gaale, ye a chega kam de bá fɔge ka ti. Amo bá fɔge a yage a swono kom, ne a na gwoni ni de a nɔɔna bam de ba dwia yam se ko taa vei wuu tei to. A maa kwei nɔɔna lwarem de ba wɛleera a maa chɛ-ba. Se ko ná ye balo na gɛ bora to, a yeini a waare-ba mo de ba bia maama se ko yi ba naaro, de ba na-jwooru dwia yatɔ naa yana laŋa ne.”

Amo lage chega mo á tei ne se á ta‑á zuli amo yerane. Yé zuli-na wo-gaa á woli amo wone, amo yi na page abam baŋa ne to ŋwaane.

BAŋA Wɛ daa ma ta o we: “Nii mo! Amo ta lage a gwoni ni de abam mo. Nmo nɔɔna bam yiga ne mo amo wó ke wo-kenkagela yalo dwoŋi ta na wo fɔge ya ke logo baŋa ne to. Teene delo na bwola de abam to wó taa zege ba nia ye foone ja-ba mo, wo-kenkagela yalo amo BAŋA Wɛ na wó ke abam tetare ne to ŋwaane.