Abam ta ke-na gare-jale delo na wó lei de pwɛ Wɛ di-yuu kom de di-yun-gala kam daane to se popɔra taa wora. Kwei-na gare-fefale delo na ye chekke to á ma á ke gare-jale dem konto. Abam wó kwei gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to mo á ma‑á sɔ-de. Á maa wó daare á gɔgere cherubi nyenyero á ke gare-jale dem yera ne. Nam kwei-na golesaa dɛ sena á kwoli-se de sabu-seŋa, ye á daare á ke sabu-seŋa gwoli á meeli se yera ne. Laam kwei-na-se á chwi lu-nyenno wonnu tena tem baŋa ne. Abam ná ke konto, se á kwei gare-jale dem á lei gwoli sem yera ne pa se de che de kwoli Wɛ ni-gwonim dakaa kam.