Ayat-ayat Alkitab Ternama dari Nwoŋim 16

Bagikan

Ba maa we, “BAŋA Wɛ ya ná maŋe o pa se dé te Ejipti ne ko gare tento! Dáane, dé nae wodiu dé di, ye dé done nɔna dé sui. Abam ma ja debam á pa dé nwoŋi da dé ba kagoa kanto ne, se kana go dé kɔgɔ kom maama.” BAŋA Wɛ ma ta de Moses o we, “Amo wó pa se bworobworo nwoŋi wɛyuu ne, nenɛɛne doa na nena tei to. Dɛ maama nɔɔna bam jege se ba nwoŋi pwooni mo ba pɛ wodiu kolo na wó maŋe de ba dɛ wone dim to. Amo lage a faŋe-ba mo a nii, ba wó sɛ a ni dem naa ba bá sɛ-de.

Ba na wo kagoa kam ne to, mo nɔɔna bam maama bobo se ba taa poona ye ba bwɛ Moses de Aron.

Moses laam ma ta o we, “Tega ná lage ka yi, BAŋA Wɛ wó pa abam nɔna se á done. Tega ná poore, o ta wó pa abam bworobworo se á di á su. Abam na poone tei to, ko ye BAŋA Wɛ mo á jege á bwɛa, ye ko dae debam. BAŋA Wɛ nam mo nigi á pompona kam.”

“Amo nigi Isarele tiina bam pompona kam maama. Nam ta de-ba we ‘Tega ná lage ka yi, abam wó done nɔna, se te-pora ne á di bworobworo á su. Konto mo wó pa se á lɔre we amo mo ye abam Tu BAŋA Wɛ.’ ”