Ayat-ayat Alkitab Ternama dari Nwoŋim 11

Bagikan

BAŋA Wɛ déem ma ta Moses o we, “Amo laam lage a pa se cham dedwe mo yi Ejipti Pɛ wom de o nɔɔna bam se ko kweeli. A ná ke konto, o wó pa abam chwoŋa se á viiri. O nam lage o zeili abam mo se á nwoŋi á daare o teo kom.

Ejipti teo bakeiri-kwea dwi maama wó te. Pɛ wolo na sage paare yituŋu kom ne to bu-kwea wó te, ye kaba-kana kam na choe muni to de bakeiri-kwea de te. Vara balo ba na loge da-yiga to de maa wó te. Ejipti teo ni maama lage ko taa ye mo ŋɔɔ de keira. Ba ta wo fɔge ba na keira kalo dwi na wó to teo kom ne to, ye ka dwi nam daa bá ba.

BAŋA Wɛ déem tage dedaane Moses o we, “Pa-faro wom bá sɛ o cheigi nmo taane dem. Ko wó pa se amo na pwola se a tiini a toŋe wo-kenkagela dedɛ Ejipti tiina tei ne.”