Ayat-ayat Alkitab Ternama dari Lǔka 4

Bagikan

“Běcǎ ta̤adû̌ sǎcahtǐ ǒ dě hekû, ma̤tè̤hî̌dě a wû̌lǎ he ta he glè pwe̤ǐ bǎ kòyò shèwèphû̌ toǒ ta ta̤sò̌le̤sò̌lò̤ awi̤akè̌ htǒonu hǒ. Kòyò htě kò pṳ̂ dǒlò̤te̤ yǎ apo̤kû toǒ bǎ nî̤bǎ ta̤ma̤lû̌htò̌ge aya, kòyò htě a mi̤sǎkhǐ toǒ bǎ mi̤sǎlî gesǒ aya, ta kòyò htě kò ma̤jîma̤jû nû̌û toǒ bǎ nî̤bǎ ta̤ma̤lû̌htò̌ge ayanu, a nohè he dě he glè pwe̤ǐbǎ asî hǒ. Htohǒtò̤ Cǒmara nohè he dě he bǎ pwe̤ǐsî̌ya bǎ kò ta Běcǎ glè ma̤lû̌htò̌ge akòyònu, akhîakha hèto̤hǒ.”

Ye̤shǔ hî̌shǔ nû̌û, “Cǒmara ale̤ayo̤ hî̌ hè̌o, ‘Sabahtò̌ pwǎpǒ̤ na Běcǎ Cǒmara ta ma̤pwǎpǒ̤ ata̤ma̤ pwǎ nî̌,’” a hî̌ hǐnu.

Dě Ye̤shǔ hî̌shǔ yǎ, “Cǒmara ale̤ayo̤ hî̌, ‘Kòyòhǎkhû̌phû̌ htûpwa̤ pwǎpǒ̤ ta shǎǎshǎo mè̤tò̤.’”

Bǎ Běcǎ Ye̤shǔ ǒ bǎ Jòda shilo̤ dě age akhanu, a lǒbe ta Běcǎ sǎcahtǐ. Dě Běcǎ sǎcahtǐ ǒkû̌ yǎ dě a sûcû̌ nû̌û dě lo̤měshǒkla.

Pwǎ̤ta Ye̤shǔ hî̌shǔ yǎ, “Cǒmara ale̤ayo̤ hî̌, ‘Na bǎ htû̌sǒbǎ phû̌mò̤ na Běcǎ Cǒmara tò̤.’”

Bǎ khînǎmo̤pha hǐkǒdû̌ htû̌sǒbǎ pṳ̂̌htobò Běcǎ Ye̤shǔ akhanu, khînǎmo̤pha hǐkǒdû̌ hǎhtò̌cû̌ tephekè ta Ye̤shǔ teděsǎ dě a ǒpo̤kè̌ǐ po̤ to̤htû̌ ashuakhwèwǒ dě a glè htû̌sǒbǎ gesǒ nû̌û taplǎpe.

Htodě khînǎmo̤pha hǐkǒdû̌ kaǎcû̌ Ye̤shǔ gûla̤htò̌yî̤ tò̤glò dě a dǔlṳbò nû̌û shiga pṳ̂̌taga htě a ǒbò hǎkhû̌ pṳ̂̌teběnu. Khînǎmo̤pha hǐkǒdû̌ hî̌ yǎ, “Bò꤮ sîrîshû̌sho htǒotoǒ ta ta̤sîrîdû̌sîrîhtû htǒotoǒnu, he ǐyǎ ta na pě. Bò꤮ htǒotoǒ numî̌ a ǒbò dě he cû̌dekû hǒ, he ǐ kòyò htě he sò̌yṳ ǐ nû̌ûnu toǒ pě. Hǐnudě na dè sabahtò̌ he hî̌nu, htǒotoǒ lǒ̤bònu he ǐbò yǎta na pě.” Ye̤shǔ hî̌shǔ nû̌û, “Cǒmara ale̤ayo̤ hî̌ hè̌o, ‘Sabahtò̌ pwǎpǒ̤ na Běcǎ Cǒmara ta ma̤pwǎpǒ̤ ata̤ma̤ pwǎ nî̌,’” a hî̌ hǐnu.

Htodě khînǎmo̤pha hǐkǒdû̌ kaǎcû̌ nû̌û Ye̤rǔshèlèwî̤ dě a noihtǒ ǒ nû̌û bǎ ta̤lṳhtò̌ho hǐgukhû̌ htò̌yî̤gutṳ̌ to̤to̤ dě a hî̌ nû̌û, “Na mî̌ Cǒmara aphû̌khû tapwa̤ dèhî̌dě, pe̤lò̤te̤ mò̌! Ma̤tè̤hî̌dě, Cǒmara ale̤ayo̤ hî̌, ‘Cǒmara nokè̌ǐkhwè̌ǐ ma̤kwaǐ na ta a mǒkhû̌tanaphû̌ toǒ pě.’ Htohǒtò̤ a hî̌po̤, ‘Ma̤pûhǐ na khò̌lopo̤ bǎsha pû ta lo̤ tò̤nu asî phǒhtò̌shǔtû̌ na pě.’” Pwǎ̤ta Ye̤shǔ hî̌shǔ yǎ, “Cǒmara ale̤ayo̤ hî̌, ‘Na bǎ htû̌sǒbǎ phû̌mò̤ na Běcǎ Cǒmara tò̤.’”