Ayat-ayat Alkitab Ternama dari Kolɔs munu 3

Bagikan

’Ka ’wuo dɔ ka ke wuo ma, yé dé wesiawe a mi valé é bɔluzan worona, ’wo wo ke ma we vo ma. Fɛan zo lé Krist ka ma we vo, ’ka ka ke ma we vo a zo é ziin.

Ka bli ’é bɔ lagi loru fɛnu ma ma, té ka bli é bɔ tɛrɛlafɛnu ma lo.

We faa lé ka kɛla, ’ka kɛlɛ ka bli faa nya, bélé fɛan zo lé ka a kɛlɛna Mizan lɛ, yé ka ’ka a kɛlɛna munu lɛ lo, a zo

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi. Yé dé ka a weowean kɛlɛna, dé é a wefele nyaoo, dé é a we kɛlɛle nyaoo, ’ka wo kɛlɛ Mizan Jézu tɔ nya, Tibale bɔvɔle nya alé we ma.

Naa, we ’konu ta loru, munu ’é sɔ ka lɛ ma; sɔlɛle a we lɛsɔɔle nya yé é a bélé kyɛsidi lé wa dɔ sɔ la, a zo.

Bɛwemalé, dé Bale ka nwa ékeva Jézunu nya gamunu va, ’ka lagi loru fɛnu nagini, fɛana lé Krist ke é nyanale Kazambale bɛyila, ana.

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Naa, ka a é gale, yé kalé vole é yuɛma a é yɔɔle Krist va Kazambale gi.

Naa, sin, ’ka sɔn vɔ we ’konu faa ma: bliflile koo, zapale koo, we lɛrɛlɛrɛ kɛlɛle koo, mi sɔnɔle koo, zɛɛn vɔ dérenu koo, ’ka sɔn vɔ wo ma.

Té ka viéwo ka ke lɛ lo. Blami dɔbɛ valé é kɛlɛwenu ’é si ka lee; yé mi dɔbɛ dɛrɛ lé éé goo é tavɔɔle nya we dɔɔle gi ’é kɛlɛzan yɛrama bɛ, ’ka ’bɛ si.

’Kaa le zananu, ka nanu ’é sɔ ka lɛ ma, té ka wo pa bli nyané nya lo ma.

’Kaa nénu, ’ka ti valé ’ka bu lɛdɔma we faa gi ma, naa, ’bɛ a wezin nya Mizan lé we gi.

’Kaa gɔné nanu, ’ka pla ka zananu wuo; ’bɛ a é zima Mizan wuolomu zé nya.