Ayat-ayat Alkitab Ternama dari G%E9nesis 17

Bagikan

I mam Abram are o chik b'elejlajuj kajwinaq (99) junab' che, xuk'ut rib' i Ajwal che, xaq xub'ij che: —Yin in Dios chi Ronojel Kintiki Che, cha'ana i utz xaq ch'am che ak'aslemal chinwach.

Kb'ix ti chik ma Abram chawe, wo'or lik mam Abraham kb'ix ni chawe, man kin-an chawe chi at kiqajaw ni uk'iyal nimaq taq tinimit.

Intrat chi kin-an ni awu' yet xaq ku' amuq axikin pa taq kilemajil, i trat le chi nti uk'isik are iri: Lik arewi Yin na in a-Dios yet, xaq in ki-Dios ni amuq axikin.

—Are intrat iri chi kin-an awu': Yet at kiqajaw ni k'iyal nimaq taq tinimit.

Xwiri i Dios xula' uwach che: —Yin xinb'ij chi tit Sara, chi awixoqil, kralaj ni jun ak'ojol chi kaya ni pub'i a Isaac. Yin kin-an ni intrat ru' ire le xaq ku' umuq uxikin, lik are jun trat chi nti uk'isik.

Chawe yet xaq chke amuq axikin kinya wi ronojel ulew Canaán, are ulew ipa at jeqel wi wo'or, ile lik awe yet ronojel ij saq, xaq Yin na ki-Dios amuq axikin. —Keje ile xub'ij i Dios che mam Abraham.

Are uri mam Abraham xxuki'ik, xulukb'a upalaj k'a chwach ulew, xaq xutze'ej puk'ux are ktijin chuch'ob'ik i tziji: “¿Xatab'a k'a kalax taq rak'al jun mam chi o chik jo'winaq (100) junab' che? Xaq ¿Xatab'a k'a kk'iji taq rak'al tit Sara chi o chik lajuj kajwinaq (90) junab' che?”

Xaq xub'ij chik i Dios che mam Abraham: —I tit Sarai, chi awixoqil, kb'ix ti chik tit Sarai che, wo'or tit Sara kb'ix ni che

I circuncisión le chi k-an che ich'akul, are k'utb'al re intrat chi xin-an iwu'.

Xwiri intrat lik ru' a Isaac kin-an wi chi kalax ni ru' awixoqil tit Sara che i junab' jun che taq i ij pacha i ij chi oj o wi wo'or.

Rumali konojel i ral taq alab'om pa taq kilemajil chi je o chixol, are o chik wajxaqib' ij che kalaxik, rajwaxik uri k-an i circuncisión chke, xaq keje k-ani chke i alab'om chi je alaxel taj ru' ja, chi xa je lo'talik, lik keje ile k-an ni chke i je aj naj chi je o chixol, chi je amuq axikin taj. Rajwaxik chi konojel koksax ni circuncisión le che kich'akul: Alaxel pa wachoch, xaq i je alo'om ru' amer, man keje ile i intrat le kkanaj ni che ich'akul ronojel ij saq.