Ayat-ayat Alkitab Ternama dari ወንጌል ዘሉቃስ 7

Bagikan

በእንተ ዝንቱ እብለከ ተኀድገ ላቲ ኀጢአታ ብዙኅ እስመ ብዙኀ አፍቀረተኒ ወዘሰ ውኁደ አፍቀረኒ ውኁድ ይትኀደግ ሎቱ ወዘሰ ብዙኀ አፍቀረኒ ብዙኅ ይትኀደግ ሎቱ። ወይቤላ ለይእቲ ብእሲት ተኀድገ ለኪ ኀጢአትኪ።

ወይቤላ ለይእቲ ብእሲት ሃይማኖትኪ አድኀነተኪ እትዊ በሰላም።

ወቆመት ድኅሬሁ ኀበ እገሪሁ ወበከየት ወአርሐሰት እገሪሁ በአንብዓ ወትመዘምዝ በሥዕርተ ርእሳ ወትስዕም እገሪሁ ወትቀብዖ ዕፍረተ።

ወለልየኒ ኢይደልወኒ እምጻእ ኀቤከ ወባሕቱ አዝዝ በቃልከ ወየሐዩ ቍልዔየ። እስመ አነሂ ብእሲ መኰንን አነ ወብየ ወዐልት ወእብሎ ለዝ ሑር ወየሐውር ወለካልኡ ነዓ ወይመጽእ ወለገብርየኒ ግበር ከመዝ ወይገብር። ወሰሚዖ እግዚእ ኢየሱስ ዘንተ እምኔሁ አንከሮ ወተመዪጦ ይቤሎሙ ለሕዝብ እለ ተለውዎ ኢረከብኩ ዘከመዝ ዘይትአመን በውስተ እስራኤል።

ወፈወሶሙ ለብዙኃን ሶቤሃ እምደዌሆሙ ወእምሕማሞሙ ወእምአጋንንት እኩያን ወለብዙኃን ዕዉራን ጸገዎሙ ብርሃነ ይርአዩ። ወአውሥአ እግዚእ ኢየሱስ ወይቤሎሙ ሑሩ ንግርዎ ለዮሐንስ ዘሰማዕክሙ ወዘርኢክሙ ዕዉራን ይሬእዩ ወስቡራን የሐውሩ ወእለ ለምጽ ይነጽሑ ወጽሙማን ይሰምዑ ወምዉታን ይትነሥኡ ወነዳያን ይዜነዉ ወይትፌሥሑ።