Ayat-ayat Alkitab Ternama dari Yahiya 3

Bagikan

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Dari sagannap ma pitsayaꞌ ni Anak na, puwas na man hukuman Tuhan. Boꞌ sagannap ma yaꞌ pitsayaꞌ, ndang kinamulkaan na sila sabap yaꞌ sila kuhi pitsayaꞌ ni Anak tungga Tuhan.

Anak Tuhan ilay bay pitu pa junyaꞌ bilang sūꞌ ni manusiyaꞌ, sugaꞌ lay jaꞌ ya tikutan da. Ilooy ya katigian da njawom lindom sabap maat pabuwatan da. Sangkon kinamulkaan na sina sila.

Ndang katoonan ku du pag luu jaꞌ Almasi, talpaksaꞌ pasōng kabantugan na, boꞌ niyaku tu, talpaksaꞌ pakulang. Iya ilay meꞌ sapantun disu pangantin ma lalla, boꞌ sagannap ma mmeꞌ niiya meꞌ sapantun pangantin ma danda. Sangkon bong sikamimon bahuklud pa mman na, malaingkan biddaꞌ na ehe kagakan ku, batan inawnan pangantin ma danda, ndang sukuꞌ na. Boꞌ aku tu meꞌ sapantun bagay pangantin ma lalla sadjaꞌ nangge ni bihing na. Maka gāk ku pakale ni bitsala na.

Manusiyaꞌ ina, sagannap ma buwat maat, ndang sinukang meꞌ da dantaꞌ. Yaꞌ sila doman pa jawom dantaꞌ taggahaꞌ tumampak kalaatan da.

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Maka yuk si Isa, “Bay jaman Nabi Musa ka bangsa tabi ndooy ni lahat lau-lau yaꞌ maglumaꞌ, meka sila bay pinagtinduk meꞌ siga sō latsunan. Maka katoonan nu du, bbuwatan Nabi Musa, lay buwat sō tumbagaꞌ, boꞌ siniitan ni tōng tigablok. Pag-anu, boꞌ inangkat meꞌ na pa jataꞌ. Dari soysoy bay tininduk, bong sila ngahangad sō tumbagaꞌ looy, mastiꞌ kaulian jaꞌ sila. Damikiyan Anak Manusiyaꞌ pun, talpaksaꞌ du sina mintu inangkat taꞌ tehang ni mayran

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.