Ayat-ayat Alkitab Ternama dari लूका 9

Bagikan

बो बा सगळाऊँ खयो, “ज कोई मेरै गेल आबो चावै ह बो खुदनै तज'र, आपकी सुळी उठार मेरै गेल होले।

इऊँ ओ होसी क जखो बी आपका पिराण बचाबो चावै बो बाकी हानी उठासी। अर जखो बी मेरै ताँई आपका पिराण तजसी बो बिनै बचासी।

जणा ईसु बोल्यो, “जखो मिनख आपको हात हळ प धर'र गेलनै देखै बो परमेसर का राज जोगो कोनी।”

ज आदमी सगळी दुनियानै जीत ले अर आत्मानै खोदे नहिस बिकी हानी उठावै जणा बिनै काँई फाईदो?

जखो बी, मिनखा क सामै मनै अर मेरा बचनानै मानबाऊँ सरम करसी, जणा मिनख को बेटो बी बाऊँ नातो राखबो आपकी बेजती मानसी जद बो पबितर ईस्बर नगरी दुता, आपका परम-पिता अर खुदकी मेमा म आसी।

ईसु बिऊँ बोल्यो, “गादड़ा की घुर अर अकास म उडबाळा पंछ्या का घुरस्ळा होवीं पण मिनख का बेटा को तो सीर लुखाबा को बी ठिकाणो कोनी।”

अर बाऊँ बोल्यो, “जखो कोई मेरै ताँई इ टाबरिया को मान करै बो मेरो बी मान करै। अर जखा मेरो मान करीं बे मनै भेजबाळा परमेसर को बी मान करीं हीं। इ बजेऊँ जखो थार मऊँ सऊँ छोटो ह बोई सऊँ बडो ह।”