Ayat-ayat Alkitab Ternama dari लूका 6

Bagikan

दुसरानै दिआ करो जणा परमेसर थानै बी निका नाप तोलर दबा-दबा अर हला-हला चोखी ढाळ उंदकतो देसी। क्युं क जि नापऊँ थे दुसरानै द्‍यो हो बि नापऊँई थानै दिओ जासी।”

चोखो मिनख आपका चितऊँ चोखी बात काडै अर बुरो बुरीई चितै, मतबल ओ ह क जखो मांयनै होसी बोई बारनै आसी।

पण थारा दुस्मनाऊँ बी प्यार-परेम राखो, बाकै सागै बी भलाई करो, अर क्युं बी पाछो नइ आबा की आस कर बानै करजो द्‍यो। अर अंय्यां करस्योक जणा थारै ताँई बडो इनाम होसी। अर थे परम-परधान परमेसर का टाबर खुवास्यो क्युं क बो तो बुरा अर बिको धनेवाद नइ करबाळा प बी दया दिखावै ह।

जंय्यां थारो परम-पिता दयालु ह बंय्‍यांई थे बी दयालु बणो।

“कोईको भलो-बुरो कर न्याय मना करो जणा परमेसर बी थारो न्याय कोनी करसी। गळत मना बताओ जणा परमेसर थानै बी कोनी बतासी। माफ करो जणा परमेसर थानै बी माफ करसी।

“सुणबाळो म थारूँ बोलुँ हूँ, दुस्मनाऊँ परेम करो जखा थारो बुरो करीं, बाको भलो करो। थानै सराप दे बिनै आसिरबाद द्‍यो अर जखा थारै सागै बुरो बरताव करै बा ताँई अरदास करो।

मिनखाऊँ बंय्यां को बरताव करो जंय्यां को थे बाऊँ चाओ हो।

अर कोई थारा गाल प थपड़ मारै जणा दुसरो गाल बी आगै कर द्‍यो अर जखो थारो कोट खोसै बिनै थारो कुर्तीयो लेबाऊँ बी मना मत करो। अर जखो थारूँ क्युं माँगै थे बो देद्‍यो अर जखो थारी कोई चिज खोसले बा बिऊँ पाछी लेबा की कोसिस मना करो।

“चोखा दरखत प चोखा फळ लागै अर बुरा दरखत प बुरा फळ लागै।

इ बजेऊँई तो सगळा पेड़ आपका फळाऊँई पिछाण्या जावै ह मतबल ओ ह क झाड़ी क अंजीर कोनी लागै अर नइ झाड़ी क अँगूर लागै।