Ayat-ayat Alkitab Ternama dari Spegan 13

Bagikan

Kaleb we pgseesu seediq meniq berah Moseh, rmengo: “Asi ta osa mangal dxeral kiya! Maha ta ngalun ka dxeral kiya.”

Seediq paru ka ntaan miyan hiya, kiya ka seediq Anaq prparu. Mntena miyan so utun qtaan ka yami. Bale ba so kiya qnita daha menan ka dheya uri.”

Kiya de dseediq mnsuupu mosa Kaleb we rmengo: “Iya ta osa cmebu seediq hiya. Ado mgkala ita ka beyax daha.”

Kiya de pkgarang prana rmengo dseediq Israel, naqah kari quri dxeral nsaan daha kmuuruy ka duma ckceka daha: “Ndaan miyan ma dxeral knuuruy miyan kiya we, rmequn seediq ka kiya. Kiya uri we seediq qntaan miyan hiya we tnugao seediq prparu kana.

Rmengo Moseh ka dheya: “Mnosa miyan kmuuruy dxeral hiya ka yami, bale ba dxeral psbyeqan nunuh ma walu ka hiya. Nii ka pnugheyi pneeyah dxeral hiya.

Kiya de seediq dxeral hiya we mgmanang mbeyax ma alang daha we paru ma mharac mgdehu bale. Meniq nami hiya we wada nami qtaun ka seediq Anaq.

Gaga meniq Negeb ka seediq Amaleq. Dseediq Xet, Yebus ma, Amori we gaga meniq dgiyaq. Dseediq Kenaan we gaga meniq ssiyo rcilung ma ssiyo yayung Yarden.”

Meyah Qades tadus brenux Paran, gaga hiya ka Moseh, Aharon ma, dseediq Israel. Kiya de meyah smneeru ka dheya ma, pqtaan daha dheya ka heyi pneeyah dxeral hiya.