Ayat-ayat Alkitab Ternama dari Smnlean 32

Bagikan

Rmengo ka seediq kiya: “Ngayan su we iya kesi Yakobu da, Israel kesi. Ado smeung su beyax Utux Baro ma seediq we wada su ini baka kana da.”

Rmengo ka seediq kiya: “Uxe beyo lmedax da, posa ku da!” Rmengo ka Yakobu: “Ini su sbleyaq kenan we uxe misu psaun.”

Wano Yakobu nanak ka mtrangi bukuy. Niqan 1 seediq meyah psseung mntalang heya, asi betaq pgrapo caman.

Yakobu de Penuel kesun na tmngayan ka dxeral hiya. Rmengo: “Wada ku asi ptdqeras qmita Utux Baro da, knuudus mu we ida ga meniq na.”

Seediq kiya we taan na uka ba beyax na mpkbeyax heya de, asi na tlengi ka surul bteriq na. Sqrahuq ka bteriq Yakobu tgdiyal seediq kiya.

Rmengo ka seediq kiya: “Ima ngayan su?” Rmengo ka heya: “Yakobu.”

Rmengo heya ka Yakobu: “Braho su rngagi ku hiya ka ngayan su ho?” Rmengo ka seediq kiya: “Hwaun su nanak smiling ka ngayan mu ho?” Kiya de smbleyaq Yakobu meniq hiya ka heya.

Bnege su kana gnhuwe ma knbale su quri tnqliyan we, uxe ku mpdehuk mangal. Cuuxal ka yaku we wano 1 ba hukuc ka sdoi mu mntaril yayung Yarden. Saya de nii ku betaq tgdahaun qpuruh seediq da.

So kiya de, seediq Israel we ini ekan heyi bteriq betaq saya. Ado wada tmelung surul bteriq Yakobu ka seediq kiya.

Rmengo ka Yakobu: “Utux Tmninun, Utux Baro nuAbraham baki mu, Utux Baro nuYijxaq tama mu, rmnengo su kenan: ‘Osa mbrinah tnpusu rudan su, mpsbleyaq ku isu.’

Braho misu, doi ku hiya baga pqduriq peeyah baga qbsuran mu, qdriqi ku peeyah baga Esaw. Ado miicu ku meyah phuqil yaku ka heya. Ani bubu ma lqlaqi uri we uxe na laxun kana.