Ayat-ayat Alkitab Ternama dari 2 Korinto 5

Bagikan

Maanu so kiya de, nasi ga meniq ckceka Kiristo ka seediq we, wada sbrahun kana di. Wada ka cmucac ma, gisu pryuxan bgurah kana da.

Utux Baro we ririh ita wada na ngalan niqan qnquwan noda ka uka qnquwan noda. So ta meniq ckceka na mpknsderux noda Utux Baro.

Ado noda miyan we mnoda snhiyan, uxe mnoda qtaan doriq.

Kana ani maanu pneeyah Utux Baro kana. Heya we spooda na Kiristo wada pkmalu ita ma heya. Kiya uri we wada na sbege ida ka qqeepah mdudul seediq pkmalu heya. Nii we kiya ka, Utux Baro we pkmalu kana seediq bobo dxeral meniq ckceka Kiristo. Ini na psai heyi daha ka qnquwan noda daha. Kiya uri we, wada na sbege ita ka kari pkmalu nii.

Maanu so kiya de ma, snkgulan Kiristo, mntena so Utux Baro spooda na yami dmudul yamu. Yami uri we, dmurun nami Kiristo, so namu pkmalu Utux Baro.

Wada pririh kana seediq mhuqil ka heya de, kiya ka seediq ga muudus de, uxe dheya ka skuudus daha. Bukung wada pririh dheya mhuqil ma muudus dungal ka skuudus daha. Maanu so kiya de, peeyah saya de, uxe miyan mpuyu qnita seediq mkela seediq. Ani namu mnoda qnita seediq mkela Kiristo we, peeyah saya de uxe nami mpkeso kiya mkela heya da.

Gnaalu Kiristo ka wada pkbeyax yami. Ado so nii ka lnglungan nami, ririh kana seediq wada pririh mhuqil ka 1 seediq de, wada mhuqil kana ka seediq da.