Ayat-ayat Alkitab Ternama dari Yele-za-pɛr-tib 8

Bagikan

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ. Lɛn daar za a tẽw na na be a, bʋrʋ nɩ cɛb, ƴawr nɩ tʋlʋ, ũon nɩ sɩ̃ɔ, mʋ̃tɔ̃w nɩ tɩ̃ɩsɔw bɛ be za na ŋmãa ɩ.»

A Nowe tɩ mɛ n bàwr-maal-kuur a Sore ƴãw. A dʋ̃-vɩɛlɩ pʋɔ nɩ a lili-vɩɛlɩ pʋɔ a, ʋ tɩ ír'ɩ dʋ̃-beƴeni a dʋ̃-pɛ-bʋʋrɛ za pʋɔ maal'ɩ nyɩw-a-za-bàwr kʋ̀ a Sore.

A Naaŋmɩn tɩ lɛb'a bãwnɩ a Nowe nɩ a dʋn za, a wɛ-dʋn nɩ a yir dʋn na tɩ lãw nɩ ʋ be a gbor-kpɛ̃ɛ pʋɔ a. Lɛ n'a ʋ tɩ ɩ sɛsɛb fu a tẽw zu, a kʋ̃ɔnɩ tĩ siwre.

A na wa manɛ a zaanʋɔra a, a naŋmam tɩ lɛb'a wa a ʋ zie. Ʋ tɩ cab'ɩ olivʋ tɩ-va-ɓaar a nʋɔrɩ́. À ŋá n'a a Nowe tɩ bãw k'aa kʋ̃ɔ siwr'ɩ a tẽw zu.