Ayat-ayat Alkitab Ternama dari Lukas 3

Bagikan

Neaku ore peibatisi olorere pookin neibatisi baiki Yesus, esaisho, nebolo shumata nedoiki Olmumua Sinyati tʼemua anaa olmaitai shumata enye neaku eing'ua oltoilo shumata nejo: Ira iye Oinoti lai lanyor oshipakino oltau lai.

nealiki Yohanes nejoki ninje pookin: Aibatis nanu ndai tʼengare, kake elotu ologol laalang' nanu, nemeaku, palaaki enkeene oo namuka enyena; nelaibatis ninye ndai tʼOlmumua Sinyati o tʼenkima

Akae, entoiu ilmomo sidan lʼenkitaalata! niminteritere aajo tiatua ndai: Kiata papa lora Abraham. Amu aliki nanu ndai, ajo eidim Engai ainyeye Abraham nkera tiatua kulo soito.

Akae, eidipaki aatipik baiki entoiu ntonat oo ljanito; ore oljani pookin lemeiu ilmomo sidan, nedung'i nenang'akini atua enkima.

anaa petisiraki tʼenkitabu oo rorei le Yesaya, olayolounoni, ojo: Etii ang'ata oltoilo lʼoloipotisho: Entobira engoitoi Olaitoriani, entorioi nkiimat enyena! Njeiganyi nong'ot pookin, njeitadouni ildonyo o ndonyo pookin, njeitoriori nariwuo, njeari ilgurumen metorisioto ngoitoi. Nepuo aadol iseseni pookin enkitopuata Engai.