Ayat-ayat Alkitab Ternama dari Pwärätä 13

Bagikan

Iei lomoten tipachem. Iö a wor an mirit a tongeni weweöchiti wewen nampan ewe manmwacho, pun ewe nampa nampan iten eman aramas. Iei iteiten ewe nampa wonopükü wone me wonu.

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Ewe manmwacho a pöchökül ngeni aramas meinisin, ngeni ekewe aramas lap me ekewe aramas kis, ekewe chon pisekisek me ekewe chon wöüngau, ekewe chon ngas me ekewe amanau pwe repwe eäni eu asisil won pöüifichiir ika won chamwer. Esap wor eman a tongeni kamö och ika amömö are esap eäni ei asisil. Ei asisil iei iten ewe manmwacho ika ewe nampa fän iten itan we.

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.

Mürin üa küna eman manmwacho a feitä seni lon ewe matau. A wor engol mächän me fisu möküran. Iwe, efoch me efoch ekewe mächä a wor epa mwärämwär won, nge won eu me eu kewe mökür a mak eu it mi turunufasei Kot.

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.

Ren ekei manaman a mwümwütä ngeni pwe epwe föri mwen mesen ewe aemanün manmwacho, a atupu ekewe aramas meinisin mi nom won fanüfan. Ewe manmwacho a üreni ekewe aramas, pwe repwe aüetä eu uluulun fän iten ewe manmwacho, ewe a fen kinas ren ewe ketilas, nge a chüen manau. A mwümwütä ngeni ewe aruomanün manmwacho pwe epwe ngaseralong manau lon uluulun ewe aemanün manmwacho, pwe ewe uluulun a tongeni kapas, a pwal tongeni niela chokewe meinisin resap mochen fel ngeni.

Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.

A mwümwü ngeni ewe manmwacho pwe epwe eäni kapasen lamalamtekia mi turunufasei Kot, a pwal mwümwü ngeni pwe epwe nemenem lon ükükün faik me ruu maram.

Eu me lein möküren ewe manmwacho kewe a kinas usun itä nge eu kinas epwe mäla ren. Nge ewe kinas a mola. Unusen chon fanüfan ra mairü ren o ra tapwela mürin ewe manmwacho.

Mürin üa küna pwal eman manmwacho a feitä seni lon fanüfan. A wor ruofoch mächän usun mächän eman apanen sip, nge a kapas usun eman trakon. A aea än ewe aemanün manmwacho nemenem mi watte me mwen mesan. A pöchökül ngeni chon fanüfan meinisin, pwe repwe fel ngeni ewe aemanün manmwacho, ewe kinasan we a mola.