Ayat-ayat Alkitab Ternama dari Josua 10

Bagikan

Iwe, akkar a üla pwal ewe maram, tori ekewe chon Israel ra akufu chon oputeer. Ei pworaus a mak lon nöün Iasar puk. Iwe, akkar a üla me lukalapen läng, nge a mang le tuputiu lon ükükün unusen eu rän.

Iwe, lon ewe ränin, lupwen ewe Samol mi Lapalap a atolonga ekewe chon Amor lepöün chon Israel, Josua a kapas ngeni ewe Samol mi Lapalap o apasa me fän mesen ekewe chon Israel, “Akkar, kopwe üla me asen Kipeon, nge en, maram, kopwe üla me asen ewe lemolun Aialon.”

Iwe, esap wor eu rän usun ei rän lon ekewe fansoun mwan ika me mürin, pwe ewe Samol mi Lapalap a aüselinga alon eman aramas. Pun ewe Samol mi Lapalap a maun fän iten Israel.

Iwe, ewe Samol mi Lapalap a üreni Josua, “Kosap niuokusiitir, pun üa fen awinnok. Esap wor eman me leir epwe tongeni ü ngonuk.”

Iwe, Josua a üreniir, “Ousap niuokus ika rükö. Oupwe apöchökülakemi o tipepwora. Pun iei usun ewe Samol mi Lapalap epwe föri ngeni chon oputemi meinisin, chokewe oupwe maun ngeniir.”