Ayat-ayat Alkitab Ternama dari Keneses 50

Bagikan

Ewer, ämi oua ekiekin föföringau ngeniei, nge Kot a awili ngeni mürina pwe epwe amanaua chomong aramas, usun a fis ikenai.

Nge Josef a üreniir, “Ousap niuokus, pun ngang üa nom fän nemenien Kot.

Iei mine ousap niuokus, pun ngang üpwe tümwünükemi me nöümi semirit.” Iei usun a chächäriir ren an kapas pwetete ngeniir.

‘Kose mochen kopwe amusala än pwiüm kewe föföringau, pun ra tipis ren mine ra föri ngonuk.’ Iwe, iei aia tüngor ngonuk, ika kose mochen kopwe amusala ewe föföringau äm chon angang ngeni än semom we Kot aia föri.” Iwe, lupwen ar kapas ngeni, Josef a kechü.

Iwe, Josef a üreni pwin kewe, “Ngang üpwe le mäla. Nge Kot epwe fokun alisikemi, epwe emwenikemiiwu seni ei fanü o aliwinikemiila lon ewe fanü a pwon ngeni Apraham, Isaak me Jakop.”

Mürin, Josef a üreni nöün Israel kewe pwe repwe pwon fän akapel ngeni. Iwe, a apasa, “Oupwe pwon ngeniei pwe ika Kot epwe emwenikemiiwu seni ei fanü, oupwe uwala chüi.”

Iwe, Josef a mäla, lupwen a ierini ipükü engol. Ra säfeeni o iseni lon eu pwor lon Isip.