Ayat-ayat Alkitab Ternama dari Keneses 11

Bagikan

Mürin, ewe Samol mi Lapalap a apasa, “Eu chök mwichen aramas ir meinisin, nge eu chök ar fos lefiler. Ekärän iei poputän met ra föri, nge mürin repwe chök föri meinisin mine ra ekiekin föri, nge epwe chök tufich ngeniir. Ousipwe feitiu ikenan o alikofifi ar fos pwe esap wor eman epwe chüen wewe ren kapasen eman.”

Mürin ra apasa, “Ou etto, sipwe aüetä eu telinimw fän itach, pwal eu imw mi tekia, ungan epwe tori läng. Pun sipwe afisätä itach ren pwe sisap toropasfeil won unusen fanüfan.”

Iei mine ewe telinimw a iteni Papilon, pun ikenan ewe Samol mi Lapalap a alikofifi fosun aramas meinisin, a pwal atoropasafeseniir seni ikenan tori won unusen fanüfan.

Lepoputan, chon fanüfan meinisin ra eäni eu chök fos pwal eu chök sokun kapas.

Iwe, ewe Samol mi Lapalap a feitiu me läng pwe epwe nengeni ewe telinimw me ewe imw tekia ekewe aramas ra aüetä.

Iei usun ewe Samol mi Lapalap a atoropasafeseniir won unusen fanüfan. Iwe, ra ükütiu me aüetä ewe telinimw.